ట్రెండింగ్
ఆర్యన్ ఖాన్ కు బెయిలు మంజూరు
cinema | Suryaa Desk | Published : Thu, Oct 28, 2021, 04:55 PM
డ్రగ్స్ కేసులో చిక్కుకున్న బాలీవుడ్ బాద్షా తనయుడు ఆర్యన్ ఖాన్ కు ఎట్టకేలకు బెయిల్ లభించింది. గతంలో రెండు సార్లు బెయిల్ కోసం పిటిషన్ దాఖలు చేయగా కోర్టు దాన్ని తిరస్కరించింది. ఇప్పుడు ఎట్టకేలకు ఆర్యన్ కు బెయిల్ లభించడంతో షారుఖ్ కుటుంబసభ్యులు ఊపిరిపీల్చుకున్నారు. షారుఖ్ ఖాన్ కుమారుడు ఆర్యన్ ఖాన్ గత కొద్దిరోజులుగా ముంబయి అర్ధర్ రోడ్ జైలులో రిమాండ్ ఖైదీగా ఉన్నాడు. డ్రగ్స్ కేసులో అతనికి బెయిల్ దొరకలేదు. దీంతో జైలు జీవితం గడుపుతున్నాడు.ముంబై క్రూయిజ్ డ్రగ్స్ కేసులో ఆర్యన్ ఖాన్కు బాంబే హైకోర్టు బెయిల్ మంజూరు చేసింది. బెయిల్కు అనుకూలంగా న్యాయవాదులు అమిత్ దేశాయ్, ముకుల్ రోహత్గీ న్యాయమూర్తి సాంబ్రే ముందు హాజరయ్యారు. అర్బాజ్ మర్చంట్ కేసుపై కోర్టులో పోరాడుతున్న లాయర్ అమిత్ దేశాయ్ ఆర్యన్ ఖాన్ బెయిల్కు అనుకూలంగా వాదనలు ప్రారంభించారు.
|
|