బిగ్ బాస్: ఈ వారం కెప్టెన్ అయ్యింది అతడే

బిగ్ బాస్ తెలుగు సీజన్-5 లో ఈ వారం కెప్టెన్సీ కోసం కంటెస్టెంట్స్ చాలా కష్టపడ్డారు. గురువారం ఎపిసోడ్ లో ‘వెంటాడు- వేటాడు’ అనే కెప్టెన్సీ టాస్క్ జరిగింది. ఈ టాస్క్ లో భాగంగా థర్మాకోల్‌ బ్యాగులు ధరించిన పోటీదారులు సర్కిల్‌ గీసి ఉన్న ట్రాక్‌ పై నడవాల్సి ఉంటుంది. సర్కిల్ బ‌య‌ట‌కు వ‌చ్చిన వారు ఔట్ అయిపోతారు. ఈ టాస్క్ లో శ్రీరామ్‌, సన్నీ, షణ్ముఖ్, సిరి, ఆనీ మాస్టర్, మానస్‌ పోటీపడ్డారు. ఫ‌స్ట్ బ‌జ‌ర్ మోగిన‌ప్పుడు శ్రీరామ్, స‌న్నీ పోటిప‌డ్డారు. ఈ విష‌యంలో ఇద్ద‌రి మ‌ధ్య కాసేపు వాగ్వాదం జరిగింది. ‘సన్నీ నువ్ ఇండిపెండెంట్‌ ప్లేయర్‌ అనుకున్నా.. ఓడిపోయినవ్‌, అందుకే బయటున్నవ్‌’ అని పదేపదే చెప్తూ శ్రీరామ్ అతడికి కోపం వచ్చేలా చేశాడు. గాల్లో ముద్దులు పంపుతూ గొంతు అదుపులో పెట్టుకో అని వార్నింగ్‌ ఇచ్చాడు. తర్వాతి రౌండ్‌ లో శ్రీరామ్‌, మానస్‌ ను కింద పడేయగా సంచాలకుడైన జెస్సీ వీళ్లిద్దరూ అవుట్‌ అని ప్రకటించాడు. మానస్‌ అవుట్‌ కాదంటూ స‌న్నీ వాదించాడు. తర్వాతి రౌండ్‌ లో షణ్ముఖ్, సిరి ఆనీ మాస్టర్ ని టార్గెట్‌ చేశారు. దీంతో యానీ ‘ఇండివిడ్యువల్‌ గేమ్‌ లేదు, నిజాయితీ లేదు’ అంటూ సిరిని నెట్టేసింది. అయితే ఆమె తనను కొరికిందంటూ సిరి ఏకంగా కత్తి చేతిలో పట్టుకుంది. హౌస్ మేట్స్ అది తప్పంటూ వారించడంతో ఆమె కత్తి కిందపడేసింది. అయితే ఇంట్లో ఉన్నంత వ‌ర‌కు తాను కెప్టెన్‌ అవ్వనంటూ ఆనీ మాస్టర్ ఏడ్చేసింది. చివరి రౌండ్‌లో సిరిపై షణ్ముఖ్‌ గెలుపొంది కెప్టెన్‌ అయ్యాడు. మరోవైపు మానస్‌.. ఎవరెవరిని టార్గెట్‌ చేయాలో ఫిక్సయ్యానని సన్నీతో చెప్పాడు. అటాక్‌ అంటే ఏంటో చూపిస్తానని అన్నాడు.