నాన్నగారి ఆరోగ్య పరిస్థితిని తెలుసుకునేందుకు బాలకృష్ణ మాకు ఫోన్ చేసేవారు : ఎస్పీ చరణ్
cinema | Suryaa Desk | Published : Sat, Nov 27, 2021, 09:40 PM
బాలకృష్ణ హీరోగా నటించిన సినిమా అఖండ. బాలకృష్ణ, బోయపాటి శ్రీను ముచ్చటగా మూడోసారి ఈ సినిమాతో రాబోతున్నారు. డిసెంబర్ 2న సినిమాను గ్రాండ్ రిలీజ్ చేస్తున్నారు. థమన్ ఈ చిత్రానికి సంగీతం అందించారు.ఈ సినిమా ప్రీ రిలీజ్ ఈవెంట్కు ప్రముఖ గాయకుడు ఎస్పీ చరణ్ హాజరయ్యారు. ఈ సినిమాలో చరణ్ అదిగా అడిగా పాటను స్టేజ్ పై పాడారు . బాలకృష్ణ కోసం చరణ్ పాట పాడడం ఇదే తొలిసారి. ఈ సందర్భంగా ఎస్పీ చరణ్ మాట్లాడుతూ తన తండ్రి ఆసుపత్రిలో ఉన్నప్పుడు కోలుకోవాలని ప్రార్థించిన బాలకృష్ణకు కృతజ్ఞతలు తెలిపారు. “మా నాన్న హాస్పిటల్లో ఉన్నప్పుడు, మా నాన్నగారి పరిస్థితి బాగుండాలని బాలకృష్ణ గారు పూజ చేసారు. ఆయన ఆరోగ్య పరిస్థితిని తెలుసుకునేందుకు అప్పుడప్పుడు మాకు ఫోన్ చేసేవారు. మా నాన్నగారు బాలకృష్ణ గారికి ఎన్నో హిట్ పాటలు పాడారు. ఈ అవకాశం ఇచ్చిన తమన్కి, దర్శకుడికి, నిర్మాతకు, బాలకృష్ణగారికి కృతజ్ఞతలు తెలిపారు ’’ చరణ్.
|
|