ఆర్ ఆర్ ఆర్ పై పవన్ కళ్యాణ్ స్పందన... ?
cinema | Suryaa Desk | Published : Mon, Mar 28, 2022, 01:01 PM
ఎస్.ఎస్ రాజమౌళి దర్శకత్వంలో జూనియర్ ఎన్టీయార్, రామ్ చరణ్ లు నటించిన పాన్ ఇండియా మల్టీస్టారర్ మూవీ ఆర్ ఆర్ ఆర్. అభిమానులు గత మూడున్నరేళ్లుగా ఎదురుచూస్తున్న ఈ సినిమా గత శుక్రవారం విడుదలై బాక్సాఫీస్ వద్ద రికార్డుల సునామీని సృష్టిస్తోంది. విడుదలైన అన్ని చోట్ల హిట్ టాక్ తెచ్చుకుని విజయఢంకా మోగిస్తుంది.
హాలీవుడ్ సినిమాలకు పోటీనిస్తున్న ఆర్ ఆర్ ఆర్ పై పలువురు సినీ తారలు, డైరెక్టర్లు, ప్రొడ్యూసర్లు తమ అభిప్రాయాలను, అభినందనలను తెలియజేసారు. అయితే టాలీవుడ్ పవర్ స్టార్ పవన్ కళ్యాణ్ నుండి మాత్రం ఈ సినిమాపై ఎటువంటి కామెంట్స్ రాలేదు.
అసలు ఈ సినిమాని పవన్ చూసారా? చూడలేదా? అనే అనుమానాలు వస్తున్నాయి. రాజమౌళి గత చిత్రం బాహుబలిపై ప్రశంసల వెల్లువ కురిపించిన పవన్ రాజమౌళిని ఆకాశానికి ఎత్తేసారు. మరి ఇప్పుడు ఆయన నుండి వచ్చిన ఆర్ ఆర్ ఆర్ పై ఆయన అభిప్రాయాన్ని తెలపకపోవటంతో పలు అనుమానాలు వస్తున్నాయి.
ఆర్ ఆర్ ఆర్ విడుదలకు ముందు నుండి పాలిటిక్స్ లో బిజీ అయ్యారు పవన్. తన బిజీ షెడ్యూల్ తో పవన్ ఈ సినిమాను చూసి వుండకపోవచ్చనీ, అందుకే పవన్ నుండి ఎటువంటి అప్రిసియేషన్ రాలేదని కొందరంటున్నారు.
|
|