జవాన్ల భార్యలతో కలిసి కాలు కదిపిన ప్రపంచసుందరి
cinema | Suryaa Desk | Published : Mon, Mar 28, 2022, 01:04 PM
'ప్రపంచసుందరి 2021' పోటీలలో భారతదేశాన్ని విశ్వ విజేతగా నిలబెట్టింది 22 ఏళ్ళ హర్నాజ్ సంధు కౌర్. ఎటువంటి అంచనాలు లేకుండా బరిలోకి దిగిన ఈ చండీఘఢ్ బ్యూటీ తన అందం, అంతకుమించిన ఆత్మస్థైర్యం, సమయస్ఫూర్తితో ప్రపంచ సుందరి గా అవతరించింది. దీంతో ప్రపంచ సుందరీమణులైన సుస్మితా సేన్, లారా దత్తా లతర్వాత దాదాపు 21ఏళ్ళ తర్వాత మళ్ళీ ఇండియాకు అంతటి ఘనతను తీసుకువచ్చింది హర్నాజ్.
తాజాగా యూపీ లోని గ్రేటర్ నోయిడాలో జరిగిన ఒక కార్యక్రమంలో పాల్గొంది హర్నాజ్. ఇండో-టిబెటన్ బోర్డర్ పోలీస్ ఆధ్వర్యంలో హింవీర్ వైవ్స్ వెల్ఫేర్ అసోసియేషన్ నిర్వహించిన ఒక స్పెషల్ ప్రోగ్రాంలో పాల్గొని జవాన్ల కుటుంబసభ్యులు, వారి పిల్లలతో కలిసి సరదాగా డాన్స్ చేసింది హర్నాజ్. ఈ సందర్భంగా సరిహద్దుల్లో విధులు నిర్వహిస్తున్న సైనికుల సేవలను, వారి త్యాగాలను కొనియాడింది. ఆమె డ్యాన్స్ చేసిన వీడియోను ఐటీబీపీ తన అధికారిక ట్విట్టర్ ఖాతాలో పోస్ట్ చేసింది. ప్రస్తుతం ఈ వీడియో సోషల్ మీడియాలో వైరలవుతుంది.
మిస్ యూనివర్స్ పోటీల అనంతరం హర్నాజ్ కు పలు సినీ అవకాశాలు కూడా వెల్లువెత్తుతున్నాయి. ప్రస్తుతం పంజాబీ లో కొన్ని సినిమాలకు కమిటైన హర్నాజ్ వాటి షూటింగులతో బిజీగా గడుపుతుంది.
|
|