అందాల రాశీఖన్నా జిమ్ వర్కౌట్లు
cinema | Suryaa Desk | Published : Thu, Apr 07, 2022, 11:53 AM
ఊహలు ఊహలు గుసగుసలాడే సినిమాతో హీరోయిన్గా టాలీవుడ్ కి ఎంట్రీ ఇచ్చింది ఢిల్లీ బ్యూటీ రాశీఖన్నా. అప్పటినుండి వరసగా కమర్షియల్ సినిమాలలో ఆఫర్లు కొట్టేస్తూ స్టార్ హీరోయిన్గా ఎదిగింది. టాలీవుడ్,కోలీవుడ్, మాలీవుడ్ అంటూ వరస సినిమాలతో బిజీగా ఉన్న రాశీ ఈ మధ్యనే బాలీవుడ్లో కూడా అడుగుపెట్టింది. రుద్ర అనే హిందీ వెబ్ సిరీస్ లో అజయ్ దేవగణ్ సరసన నటించి మంచి మార్కులు కొట్టేసింది. మరో బాలీవుడ్ స్టార్ హీరో సిద్దార్ధ్ మల్హోత్రా సరసన యోధ అనే సినిమాలో హీరోయిన్గా కూడా నటిస్తుంది.
ఆ మధ్య కొంచెం బొద్దుగా మారిన రాశీ మళ్ళీ సన్నజాజితీగ లాగా మారిపోయిన విషయం తెలిసిందే. అయితే తాజాగా ఆమె జిమ్ లో వర్కౌట్లు చేస్తూ దిగిన ఫోటోలను సోషల్ మీడియాలో పోస్ట్ చేసింది. స్ట్రాంగర్ ఎవ్రి డే.. రెడీ టు కిక్ సమ్ అంటూ క్యాప్షన్ ఇచ్చిన ఈ ఫోటో ప్రస్తుతం సోషల్ మీడియాలో వైరల్ అవుతుంది. నవతరం హీరోయిన్లలో చాలామంది ఎక్సెర్సయిజులు, జిమ్ వర్కౌట్లు, యోగ అంటూ.. శరీరాన్ని కష్టపెడుతూ ఫిట్ గా ఉండటానికి ప్రయత్నిస్తున్న విషయం తెలిసిందే.
సినిమాల విషయానికొస్తే... ప్రస్తుతం గోపీచంద్ సరసన పక్కా కమర్షియల్ లో, నాగచైతన్య సరసన థాంక్యూ లో నటించింది రాశి. షూటింగ్ పూర్తయిన ఈ సినిమాలు త్వరలోనే విడుదలకు సిద్ధంగా ఉన్నాయి.
|
|