మార్షల్ ఆర్ట్స్ చేస్తున్న పవర్ స్టార్... పిక్స్ వైరల్
cinema | Suryaa Desk | Published : Thu, Apr 07, 2022, 11:49 AM
పవర్ స్టార్ పవన్ కళ్యాణ్, క్రిష్ జాగర్లమూడి కాంబోలో వస్తున్న పీరియాడిక్ యాక్షన్ డ్రామా చిత్రం హరిహరవీరమల్లు. ఈ చిత్ర షూటింగ్ పలు కారణాల వల్ల చాలా కాలంగా వాయిదా పడుతూనే ఉంది. అయితే ఇటీవల ఈ మూవీ ని ఎలాగైనా కంప్లీట్ చెయ్యాలని పవన్ కళ్యాణ్ ఏకంగా 5నెలల కాల్షీట్స్ ఇవ్వటం చిత్రసీమని ఆశ్చర్యానికి గురి చేసింది.
అయితే తాజాగా పవర్ స్టార్ పవన్ కళ్యాణ్ ఈ మూవీ కోసం మళ్ళీ మార్షల్ ఆర్ట్స్ చేయటం ఇటు చిత్రసీమతో పాటు అటు ప్రేక్షకులని కూడా ఆశ్చర్యానికి అదే సమయంలో ఆనందానికి గురి చేస్తుంది. ఈ మేరకు ఆయన మార్షల్ ఆర్ట్స్ ప్రాక్టీస్ చేస్తున్న కొన్ని ఫోటోలు సోషల్ మీడియాలో హల్ చల్ చేస్తున్నాయి. ఇప్పటికే తన మార్షల్ ఆర్ట్స్ టాలెంట్ ను ప్రేక్షకులకు కొన్ని సినిమాలలో చూపించారు పవన్. ఇప్పుడు తాజాగా హరిహరవీరమల్లు కోసం మళ్ళీ చాన్నాళ్ల తర్వాత ట్రైనర్ సమక్షంలో ప్రాక్టీస్ చేస్తున్నారు పవన్.
మొఘల్ కాలం నాటి కథా నేపథ్యంతో తెరకెక్కుతున్న ఈ సినిమాలో నిధి అగర్వాల్ హీరోయిన్ గా నటిస్తున్నారు. త్వరలోనే ఈ సినిమా రెగ్యులర్ షూటింగ్ స్టార్ట్ అవనుంది.
|
|