అందరిని ఆకట్టుకుంటున్న 'శ్రీదేవి శోబన్ బాబు' టీజర్
cinema | Suryaa Desk | Published : Thu, Apr 07, 2022, 01:25 PM
టాలీవుడ్ యంగ్ అండ్ టాలెంటెడ్ హీరో సంతోష్ శోభన్ 'పేపర్ బాయ్', 'మంచి రోజులు వచ్చాయి' వంటి సినిమాలతో మంచి పేరు తెచ్చుకున్నాడు. తాజాగా ఇప్పుడు ప్రశాంత్ కుమార్ దిమ్మల దర్శకత్వం వహిస్తున్న సినిమాతో ప్రేక్షకుల ముందుకు వస్తున్నాడు. ఈ సినిమాకి 'శ్రీదేవి శోబన్ బాబు' అనే టైటిల్ ని మేకర్స్ లాక్ చేసారు. రొమాంటిక్ ట్రాక్ లో రానున్న ఈ సినిమాలో సంతోష్ శోభన్ సరసన కోలీవుడ్ బ్యూటీ గౌరీ జి కిషన్ జంటగా నటిస్తుంది. తాజాగా మూవీ మేకర్స్ 'శ్రీదేవి శోబన్ బాబు' సినిమా టీజర్ ను విడుదల చేసారు. ఈ టీజర్ సినీప్రేమికులని బాగా ఆకట్టుకుంది. ఒక చిన్న పట్టణం నేపథ్యంలో ఈ సినిమా సాగుతున్నట్లు టీజర్ బట్టి తెలుస్తుంది. విడుదలైన కొద్దిసేపటికే ఈ సినిమా టీజర్ వైరల్ గా మారింది. గోల్డ్బాక్స్ ఎంటర్టైన్మెంట్ బ్యానర్పై ఈ సినిమా నిర్మించబడింది. మెగాస్టార్ చిరంజీవి కూతురు సుష్మిత కొణిదెల నిర్మిస్తున్న ఈ చిత్రానికి కమ్రాన్ సంగీతం అందించారు.
|
|