కాస్టీంగ్ కౌచ్ పై మెగా డాటర్ సంచలన వ్యాఖ్యలు!

శ్రీరెడ్డి పోరాటం తో టాలీవుడ్ లో కాస్టింగ్ కౌచ్ బాగోతం బట్టబయలైంది. హీరోయిన్ అవ్వాలంటే దర్శక, నిర్మాతల నుంచి మేనేజర్ల వరకూ కమిట్ అవ్వాల్సిందేనని బహిర్గతం చేసింది. ఇలాంటి చీకటి కోణం ఒకటుంటుందని ఎంతో మంది యువతులు అన్యాయం అవుతున్నారని శ్రీరెడ్డి ఆరోపిస్తుంది.  తెలుగు అమ్మాయిలు సినిమాల్లోకి రావాలంటేనే భయపడిపోతున్నారు. ఇప్పుడా ఆలోచన కూడా మనసులోకి రానివ్వడం లేదని తెలిసింది. కోరి కోరి ఆ నరక కూపంలోకి వెళ్లడం ఎందుకని వేరు వేరు వృత్తులను ఎంచుకుంటున్నారు. 

అయితే  ఇండస్ర్టీ బ్యాక్ గ్రౌండ్ ఉన్న అమ్మాయిల పరిస్థితి ఏంటి? మెగా ఫ్యామిలీ నుంచి వచ్చిన అమ్మాయి కాబట్టి నిహారికకు ఇబ్బందులుండవు.  వాళ్లు కూడా పరిశ్రమపై పూర్తిగా నెగిటివ్ గా ఉంటున్నారా లేదా అన్న విషయంపై మెగా అమ్మాయి కొణిదెల నిహారిక కాస్టింగ్ కౌచ్ పై సంచలన వ్యాఖ్యలు చేసింది.   తాజాగా  హ్యాపీ వెడ్డింగ్ చిత్రం రిలీజ్ అయ్యింది.   ఈ చిత్రంలో నిహారిక, సుమంత్ అశ్విన్ జంటగా నటించారు. ఇటీవల విడుదలైన ఈ చిత్రం విజయవంతంగా ప్రదర్శించబడుతోంది. 

తాజాగా ఓ ఇంటర్వ్యూలో భాగంగా నిహారిక కాస్టింగ్ కౌచ్ పై పెదవి విప్పింది. తమ కుటుంబంపై మెగా అభిమానుల్లో ఉన్న అభిమానం ప్రత్యేకమైనదని నిహారిక తెలిపింది. కేవలం చిత్ర పరిశ్రమలో మాత్రమే కాస్టింగ్ కౌచ్ ఉందనడం సరైంది కాదని నిహారిక తెలిపింది. అన్ని రంగాల్లో ఇలాంటి విషయాల గురించి తాను విన్నానని, కొన్ని తనకు తెలుసు అని నిహారిక తెలిపింది. అయితే అమ్మాయిల ఇష్టం లేకుండా ఏ మగాడూ ఏమీ చేయలేరు..ఒకవేళ అలా చేస్తే అది ఖచ్చితంగా అత్యాచార నేరమే అవుతుంది.  దానికి చట్టంలో ఎన్నో శిక్షలు ఉన్నాయి..ఒకవేళ అలా ఇబ్బంది పడ్డవాళ్లు చట్టప్రకారం కోర్టును, పోలీసులను ఆశ్రయించాలి.   

అంతా జరిగాక.. వాళ్ళు ఆలా చేశారు..వీళ్ళు ఇలా చేసారు అని చెప్పడం సరైంది కాదు. మీరు ఓకే చెప్పకుండా ఎవ్వరూ లాక్కుని వెల్లిపొరని నిహారిక తెలిపింది.కానీ మాకు ఈ మార్గం తప్ప మరో దారి లేదు అంటే దాని గురించి మాట్లాడడం కష్టం. నేను వచ్చిన నేపథ్యం వేరు కాబట్టి వారి కోణంలో ఆలోచించలేను అని నిహారిక తెలిపింది. ను సినిమాల్లోకి వస్తునానంటే వాళ్ళ సొంత చెల్లి, కూతురు వచ్చినట్లుగా అభిమానులు భావిస్తారు.  గ్లామర్ విషయంలో కూడా ఓ పరిధి వరకే ఉండాలని భావిస్తున్నాను అని నిహారిక తెలిపింది.