బాలీవుడ్ కళకళలాడాలంటే .... బాద్షా రావాల్సిందేనా...!!
cinema | Suryaa Desk | Published : Tue, Aug 30, 2022, 06:39 PM
పోస్ట్ పాండెమిక్ నుండి చూసుకుంటే బాలీవుడ్ సినిమాలు బాక్సాఫీస్ వద్ద డిజాస్టర్లుగా మిగులుతున్నాయి. కానీ, సౌత్ సినిమాలు మాత్రం నార్త్ లో ఫుల్ రేజ్ లో దూసుకుపోతున్నాయి. ఐతే, వీటిలో కూడా కొన్ని సౌత్ సినిమాలు చతికిలబడ్డ సందర్భాలున్నాయి. లైగర్ ఇందుకు బెస్ట్ ఎక్జామ్పుల్.
ఒకటిరెండు తప్పితే బాలీవుడ్ బాక్సాఫీస్ వద్ద ఘనవిజయం సాధించిన హిందీ సినిమాలేవీ ఈ ఏడాది లేవంటే అతిశయోక్తి కాదు. బాక్సాఫీస్ పోయిన కళను బాలీవుడ్ మిస్టర్ పర్ఫెక్ట్ ఆమీర్ ఖాన్ తిరిగి తీసుకొస్తాడని అంతా అనుకున్నారు. కానీ ఆయన నటించిన లాల్ సింగ్ చద్దా బాలీవుడ్ బాక్సాఫీస్ వద్ద బొక్కబోర్లా పడిన సంగతి తెలిసిందే.
ఈ విషయం పక్కన పెడితే, బాలీవుడ్ బాక్సాఫీస్ కు తిరిగి కొత్త కళను తీసుకురావాలంటే, సౌత్ - నార్త్ కాంబినేషన్లో వస్తున్న 'జవాన్' ఒక్కడి వల్లే అవుతుందని కొంతమంది నార్త్ ప్రేక్షకుల విశ్వాసం. బాలీవుడ్ బాద్షా షారుఖ్ ఖాన్, కోలీవుడ్ స్టార్ డైరెక్టర్ అట్లీ కాంబోలో తెరకెక్కబోతున్న ఈ సినిమాలో విలక్షణ నటుడు విజయ్ సేతుపతి విలన్ గా నటిస్తున్నారు. నయనతార హీరోయిన్ గా నటిస్తుంది.
|
|