శింబు 'వెందు తనింధతు కాదు' ని తెలుగులో విడుదల చేయనున్న ప్రముఖ ప్రొడక్షన్ హౌస్
cinema | Suryaa Desk | Published : Fri, Sep 09, 2022, 09:07 PM
గౌతమ్ వాసుదేవ్ మీనన్ దర్శకత్వంలో స్టార్ హీరో శింబు ఒక ప్రాజెక్ట్ చేస్తున్నట్లు ప్రకటించిన సంగతి అందరికి తెలిసందే. ఈ సినిమాకి 'వెందు తనింధతు కాదు' అనే టైటిల్ ని మూవీ మేకర్స్ లాక్ చేసారు. ఈ బిగ్గీ సెప్టెంబర్ 15, 2022న విడుదల కానుంది. తాజాగా ఈరోజు ఈ సినిమాకు సంబంధించిన ఇంట్రెస్టింగ్ అప్డేట్ ను మూవీ మేకర్స్ వెల్లడించారు. నువ్వే కావాలి, నువ్వు నాకు నచ్చావ్, నేను శైలజ వంటి చిత్రాలను నిర్మించిన శ్రీ స్రవంతి ఐమూవీస్ ఈ సినిమా తెలుగు వెర్షన్ను విడుదల చేస్తున్నట్లు సమాచారం.
ఈ చిత్రం యొక్క తెలుగు-డబ్బింగ్ వెర్షన్కి 'ది లైఫ్ ఆఫ్ ముత్తు' అనే టైటిల్ ని లాక్ చేసారు. ఈరోజు ఈ సినిమా ఫస్ట్ లుక్ పోస్టర్ ని కూడా మూవీ మేకర్స్ విడుదల చేసారు. శింబు సరసన ఈ సినిమాలో సిద్ధి ఇద్నాని జంటగా నటిస్తోంది. సీనియర్ నటి రాధిక శరత్కుమార్, సిద్దిక్, నీరజ్ మాధవ్, ఏంజెలీనా అబ్రహం తదితరులు ఈ సినిమాలో కీలక పాత్రలలో నటిస్తున్నారు. ఈ చిత్రానికి ప్రముఖ సంగీత దర్శకుడు ఏఆర్ రెహమాన్ సంగీతం అందిస్తున్నారు. VELS ఫిల్మ్ ఇంటర్నేషనల్ లిమిటెడ్ బ్యానర్పై డా.ఇషారి కె గణేష్ ఈ యాక్షన్ థ్రిల్లర్ మూవీని నిర్మిస్తున్నారు.
|
|