నేను కూడా జాన్వితో నటిస్తా
cinema | Suryaa Desk | Published : Thu, Nov 29, 2018, 07:38 PM
బాలీవుడ్ దర్శక, నిర్మాత కరణ్ జోహార్ వ్యాఖ్యాతగా వ్యవహరిస్తున్న ‘కాఫీ విత్ కరణ్’ కార్యక్రమంలో ఇటీవల జాన్వి కపూర్ పాల్గొంది. ఈ సందర్భంగా కరణ్… ‘ఓ రోజు ఉదయం నటుడిగా నిద్రలేచే అవకాశం వస్తే.. నువ్వు ఏ నటుడిగా మారాలని అనుకుంటున్నావు.. ఎందుకు.. అని జాన్విని ప్రశ్నించారు. ఇందుకు జాన్వి సమాధానమిస్తూ.. ‘విజయ్ దేవరకొండ. నాకు అతనితో కలిసి నటించాలని ఉందని చెప్పింది. ఈ విషయం గురించి విజయ్ ఓ ఆంగ్ల మీడియా ద్వారా స్పందిస్తూ.. ‘నేను కూడా జాన్వితో, కరణ్ జోహార్తో కలిసి అతి త్వరలో పనిచేస్తానని చెప్పాడు. విజయ్ కరణ్ జోహార్ను కలిసేందుకు ఇటీవల ముంబయి వెళ్లినట్లు వార్తలు వెలువడ్డాయి. ‘టాక్సీవాలా’ ప్రచార కార్యక్రమంలో భాగంగా విజయ్ ఓ ఇంటర్వ్యూలో మాట్లాడుతూ.. ‘ఓసారి నేను ముంబయిలోని కరణ్ జోహార్ ఆఫీస్కు వెళ్లాను. ఆయన ఆఫీస్లో కూర్చున్నప్పుడు నేనేంటి ఇక్కడ.. అనిపించిందని చెప్పాడు. దీన్ని బట్టి చూస్తే విజయ్, కరణ్ జోహార్ కాంబినేషన్లో ఓ సినిమా రాబోతున్నట్లు స్పష్టంగా తెలుస్తోంది.
|
|