ప్రేమలో ఉన్న ప్రతి జంటకు దీపికా సలహా
cinema | Suryaa Desk | Published : Wed, Jan 09, 2019, 04:44 PM
బాలీవుడ్ నటులు రణ్వీర్ సింగ్, దీపికా పదుకొణె ఆరేళ్ల ప్రేమ తర్వాత గత ఏడాది నవంబరులో వివాహ బంధంతో ఒక్కటయ్యారు. రణ్వీర్తో వివాహం తర్వాత తన జీవితం ఇంకా అద్భుతంగా మారిందని ఇటీవల చెప్పిన దీపిక తాజాగా జరిగిన ఫేస్బుక్ లైవ్లోనూ అదే మాటను గుర్తు చేశారు. ప్రేమించుకున్న వారు తమ బంధాన్ని పెళ్లి వరకూ తీసుకుపోవాలని ఆమె సందేశం ఇచ్చారు. ‘పెళ్లి చేసుకోవడం అనేది ఓ అందమైన ఘట్టం. ప్రేమలో ఉన్న ప్రతి జంటకు నేను, రణ్వీర్ ఇదే సలహా ఇస్తాం. కానీ ఈ విషయంలో కచ్చితంగా ఉండండి. ఎవరో ఒత్తిడి చేస్తున్నారని, పెళ్లి చేసుకోమంటున్నారని తొందరపడకండి. మీకు సరైన భాగస్వామి ఎవరు? అనే విషయంలో స్పష్టంగా ఉండండి. ఎందుకంటే.. మిగిలిన జీవితం అంతా మీరు ఆ వ్యక్తితో కలిసి గడపాల్సి ఉంటుంది. ముఖ్యంగా మిమ్మల్ని గౌరవించి, అర్థం చేసుకునే వ్యక్తి ఎవరో తెలుసుకోవాలి. ఏ బంధమైనా విజయవంతం కావడానికి నమ్మకం, స్నేహం, పరస్పర గౌరవం చాలా ముఖ్యం’ అని దీపిక పేర్కొంది.
|
|