బాక్స్ ఆఫీస్ : వినయ విధేయ రామ 10 డేస్ కలెక్షన్స్
cinema | Suryaa Desk | Published : Mon, Jan 21, 2019, 04:08 PM
సంక్రాంతి సీజన్లో భారీ అంచనాల నడుమ విడుదలైన రామ్ చరణ్ తాజా చిత్రం 'వినయ విధేయ రామ' మొదటి రోజు కలెక్షన్స్ బాగానే ఉన్నాయిగానీ ఆ తర్వాత మాత్రం కలెక్షన్స్ లో భారీ డ్రాప్ కనిపించింది. అప్పటి నుంచి పెద్దగా రికవర్ కాలేదు. ఇక రెండో వీకెండ్లో ఈ సినిమా షుమారుగా నాలుగు కోట్ల రూపాయలకంటే కాస్త ఎక్కువ షేర్ మాత్రమే వసూలు చేసింది.
సినిమా బ్రేక్ ఈవెన్ కావాలంటే ఇంకా రూ.30 కోట్ల రూపాయలకు పైగా షేర్ సాధించాల్సి ఉంది కాబట్టి ఈ రేంజ్ వసూళ్ళు సరిపోవు. పది రోజులకు గాను 'వినయ విధేయ రామ' కలెక్షన్స్ దాదాపుగా రూ. 61 కోట్ల రూపాయల మార్కును టచ్ చేశాయి. ఫుల్ రన్ లో ఈ సినిమా దాదాపుగా 63 కోట్ల రూపాయలు వసూలు చేసే అవకాశం ఉందని ట్రేడ్ విశ్లేషకులు అంచనా వేస్తున్నారు. రూ. 60 కోట్ల షేర్ క్లబ్ లో చేరడం గొప్పే కానీ భారీగా ప్రీ-రిలీజ్ బిజినెస్ జరగడంతో ఇంకా భారీగా డెఫిసిట్ ఉండిపోయింది.
పది రోజుల్లో ప్రపంచవ్యాప్తంగా 'వినయ విధేయ రామ' ఏరియా వైజ్ కలెక్షన్స్ ఇలా ఉన్నాయి.
నైజామ్: 12.50 cr
సీడెడ్: 11.54 cr
ఉత్తరాంధ్ర: 8.06 cr
కృష్ణ: 3.55 cr
గుంటూరు: 6.27 cr
ఈస్ట్ : 5.22 cr
వెస్ట్: 4.26 cr
నెల్లూరు: 2.76 cr
టోటల్: రూ. 54.16 cr (ఎపీ+తెలంగాణా)
రెస్ట్ అఫ్ ఇండియా : 5.36 cr
ఓవర్సీస్: 1.43 cr
వరల్డ్ వైడ్ టోటల్ (షేర్): రూ. 60.95 cr
|
|