అక్కినేని హీరో కి మంచి సమయం మొదలవుతుందా ?
cinema | Suryaa Desk | Published : Mon, Jan 21, 2019, 04:19 PM
హీరో కాక ముందే స్టార్ మెటీరియల్ అనిపించుకున్న అక్కినేని అఖిల్ మొదటి రెండు సినిమాలతోను ఫెయిలయ్యాడు. దీంతో అతనిపై భారీ పెట్టుబడి మానేసి ఒక మిడిల్ రేంజ్ హీరో మీద పెట్టే ఖర్చుతోనే 'మిస్టర్ మజ్ను' తీస్తున్నారు. అఖిల్ మొదటి రెండు చిత్రాలతో పోలిస్తే మిస్టర్ మజ్నుకి ఆకర్షణలు తక్కువ.
మొదట్లో ఈ చిత్రం పెద్దగా అంచనాలు రేకెత్తించకపోయినా కానీ నీట్గా కట్ చేసిన ట్రెయిలర్ సినిమా డీసెంట్గా వుంటుందనే నమ్మకాన్ని కలిగించింది. ప్రీ రిలీజ్ వేడుకకి ఎన్టీఆర్ రావడంతో మిస్టర్ మజ్ను ఎక్కువ మంది దృష్టినే ఆకర్షించింది. ఒక్కసారిగా మిస్టర్ మజ్నుపై పాజిటివ్ వైబ్స్ స్టార్ట్ అయ్యాయి. మరో ప్లస్ పాయింట్ ఏమిటంటే ఇది విడుదలయ్యే నాటికి మార్కెట్లో పెద్దగా కాంపిటీషన్ వుండదు. సంక్రాంతి సినిమాల జోరు అప్పటికి తగ్గిపోతుంది కనుక అఖిల్కి ఫ్రీ గ్రౌండ్ దక్కుతుంది.
హలో చిత్రం 'ఎంసిఏ'తో కంపీట్ అవడం వల్లే కమర్షియల్గా ఫెయిలయింది. ఈసారి అఖిల్కి అన్నీ అనుకూలిస్తున్నాయి. ఇప్పుడు కనుక హలోలాంటి డీసెంట్ సినిమా ఇచ్చినా పాస్ అయిపోయే అవకాశాలు ఎక్కువగా వున్నాయి. మరి అఖిల్ని మూడోసారి అయినా అదృష్ట లక్ష్మి వరిస్తుందా లేదా అనేది చూడాలి.
|
|