ఇంటర్నెట్‌ లో సంచలనం సృష్టిస్తున్న 'జవాన్' యొక్క లీకైన క్లిప్
cinema | Suryaa Desk | Published : Sat, Mar 11, 2023, 03:54 PM
బాలీవుడ్ కింగ్ ఖాన్ షారుక్ ఖాన్ సౌత్ డైరెక్టర్ అట్లీతో ఒక సినిమాని ప్రకటించిన సంగతి అందరికి తెలిసందే. ఈ మూవీలో షారూఖ్ ఖాన్ సరసన జోడిగా లేడీ సూపర్ స్టార్ నయనతార నటిస్తుంది. ఈ చిత్రానికి జవాన్ అనే టైటిల్ ను మూవీ మేకర్స్ లాక్ చేసారు. 'జవాన్' జూన్ 2, 2023న విడుదల కానుంది.
తాజాగా ఈ రోజు ఈ చిత్రం నుండి ఒక క్లిప్ లీక్ అవ్వగా, ఈ వీడియో ఇప్పుడు ఇంటర్నెట్‌లో సంచలనం సృష్టించింది. ఈ వీడియోలో షారూఖ్ ఖాన్ స్టైలిష్‌గా సిగార్ తాగుతూ గూండాలను కొట్టడం కనిపిస్తుంది. ఈ వీడియో అభిమానులను విస్మయానికి గురి చేసింది. అయితే, ఈ క్లిప్‌లు ఆన్‌లైన్‌లో కనిపించిన వెంటనే నిర్మాణ సంస్థ రెడ్ చిల్లీస్ ఎంటర్‌టైన్‌మెంట్ వాటిని తొలగించింది.
ఈ సినిమాలో కోలీవుడ్ స్టార్ హీరో విజయ్ సేతుపతి విలన్‌గా నటిస్తున్నట్లు సమాచారం. అందరూ ఎంతో ఆసక్తిగా ఎదురుచూస్తున్న ఈ పాన్-ఇండియా ప్రాజెక్ట్‌లో సన్యా మల్హోత్రా అండ్ సునీల్ గ్రోవర్ కీలక పాత్రలు పోషిస్తున్నారు. ఈ ప్రాజెక్ట్ గురించి మరిన్ని వివరాలు మూవీ మేకర్స్ త్వరలో వెల్లడి చేయనున్నారు.
|
|