మహానాయకుడు ఎప్పుడు రిలీజ్ అయితే అప్పుడే రామ్ గోపాల్ సినిమా
cinema | Suryaa Desk | Published : Fri, Feb 01, 2019, 12:50 PM
ఎన్టీఆర్ బయోపిక్ రెండవ భాగం ఎప్పుడు రిలీజ్ అయితే ఒక్క రోజు తర్వాత 'లక్ష్మీస్ ఎన్టీఆర్' విడుదల చేస్తానని రాంగోపాల్వర్మ పట్టుబట్టి కూర్చున్నాడు. ముందుగా ఎన్టీఆర్ 2ని జనవరి 25న రిలీజ్ చేద్దామని చూస్తే, 26న లక్ష్మీస్ ఎన్టీఆర్ వస్తుందని వర్మ ప్రకటించాడు. తర్వాత ఎన్టీఆర్ ఫిబ్రవరి 7కి వాయిదా పడితే తన సినిమాని కూడా ఫిబ్రవరి 8కి వాయిదా వేసాడు. తాజాగా ఫిబ్రవరి 22న ఎన్టీఆర్ - మహానాయకుడు విడుదలవుతుందని అంటున్నారు. ఆ తర్వాతి రోజు లక్ష్మీస్ ఎన్టీఆర్ విడుదల చేయాలని వర్మ చూస్తున్నాడు. ఒకవేళ కనుక ఫిబ్రవరి దాటితే ఈ రెండు సినిమాలు ఏపీలో ఎన్నికలయ్యే వరకు విడుదలవడానికి లేదు.
ఎన్నికల రూల్ ప్రకారం రాజకీయాలకి సంబంధించిన చిత్రాలు ఎన్నికల వేళ విడుదల చేయడానికి వీల్లేదు. మరి ఎన్టీఆర్ మహానాయకుడుని వాయిదా వేస్తే వర్మ కూడా అంతవరకు వాయిదా వేస్తాడా అనేది చూడాలి. తన సినిమా విజయం ఎన్టీఆర్ 2 మీదే వుందనేది వర్మ ప్రగాఢ విశ్వాసం. ఆ చిత్రంలో చూపించని సంచలన విషయాలని తన చిత్రంలో చూపిస్తున్నాడు కనుక అదే దీనికి ఫెట్చింగ్ అవుతుందని అతను విశ్వసిస్తున్నాడు. నిను వీడని నీడను నేనే అంటూ ఎన్టీఆర్ బయోపిక్ని వెంబడిస్తున్నాడు.
|
|