ట్రెండింగ్
PKSDT చిత్రీకరణ పునఃప్రారంభం..!!
cinema | Suryaa Desk | Published : Mon, Mar 20, 2023, 11:07 AM
జనసేన ఆవిర్భావ దినోత్సవం (మార్చి 14) కారణంగా పవన్ కళ్యాణ్ ప్రస్తుతం నటిస్తున్న "PKSDT" షూటింగ్ కి చిన్న బ్రేక్ పడిన విషయం తెలిసిందే. తాజాగా అందుతున్న సమాచారం ప్రకారం, పవన్ ఆంధ్రప్రదేశ్ లో అన్ని కార్యక్రమాలను ముగించుకుని, హైదరాబాద్ కి చేరుకోవడంతో, నిన్నటి నుండి PKSDT షూటింగ్ తిరిగి యథావిధిగా జరుగుతున్నట్టుగా తెలుస్తుంది. పవన్ కళ్యాణ్ ఈ సినిమాలో మార్చి నెల మొత్తం నటిస్తారు. దీంతో ఆయన భాగం షూటింగ్ మొత్తం పూర్తి అవుతుంది.
నటుడు, దర్శకుడు సముద్రఖని తెరకెక్కిస్తున్న ఈ తమిళ్ రీమేక్ లో మేనల్లుడు సాయిధరమ్ తేజ్ తో కలిసి పవన్ నటిస్తున్నారు. కేతిక శర్మ, ప్రియా ప్రకాష్ వారియర్ లు హీరోయిన్లుగా నటిస్తున్న ఈ సినిమాకు థమన్ సంగీతం అందిస్తున్నారు.
|
|