విజయ్ 'లియో' కి సంబంధించిన కీలక అప్‌డేట్
cinema | Suryaa Desk | Published : Wed, Apr 26, 2023, 08:37 PM
కోలీవుడ్ స్టార్ డైరెక్టర్ లోకేష్ కానగరాజ్ తన తదుపరి సినిమాని తలపతి విజయ్ తో చేస్తున్న సంగతి తెలిసిందే. ఈ చిత్రానికి 'లియో' అనే టైటిల్ ని మూవీ మేకర్స్ లాక్ చేసారు. విజయ్ సరసన ఈ సినిమాలో త్రిష జోడిగా నటిస్తుంది. లియో అక్టోబర్ 19, 2023న సినిమా థియేటర్స్ లో విడుదల కానుంది.
తాజా సమాచారం ప్రకారం, ఈ సినిమా తదుపరి షెడ్యూల్ మే 1, 2023 నుండి ప్రారంభం కానుంది. నెల రోజుల పాటు ఈ షెడ్యూల్ జరగనుందని విజయ్, త్రిష, సంజయ్ దత్‌లకు సంబంధించిన కీలక సన్నివేశాలను చిత్రీకరిస్తారని సమాచారం. ఈ షెడ్యూల్ చెన్నైలో షెడ్యూల్ జరగనుంది.
ఈ చిత్రంలో ప్రియా ఆనంద్, సంజయ్ దత్, గౌతమ్ వాసుదేవ్ మీనన్, మిస్కిన్, యాక్షన్ కింగ్ అర్జున్, మాథ్యూ థామస్, మన్సూర్ అలీ ఖాన్ మరియు డ్యాన్స్ మాస్టర్ శాండీ కీలక పాత్రలలో కనిపించనున్నారు. ఈ చిత్రానికి అనిరుధ్ సంగీతం అందించనున్నారు. ఈ చిత్రాన్ని సెవెన్ స్క్రీన్ స్టూడియో భారీ స్థాయిలో నిర్మించనుంది.
|
|