బజ్: సెన్సార్ ఫార్మాలిటీలను క్లియర్ చేసుకున్న 'కస్టడీ'
cinema | Suryaa Desk | Published : Tue, May 09, 2023, 08:48 PM
టాలీవుడ్ యంగ్ అండ్ టాలెంటెడ్ హీరో అక్కినేని నాగచైతన్య తన తదుపరి సినిమాని తమిళ దర్శకుడు వెంకట్ ప్రభుతో ప్రకటించిన సంగతి అందరికి తెలిసిందే. కమర్షియల్ ఎంటర్‌టైనర్‌ ట్రాక్ లో రానున్న ఈ సినిమాకి 'కస్టడీ' అనే టైటిల్‌ ని పెట్టారు. ఈ చిత్రంలో నాగచైతన్య సరసన బబ్లీ బ్యూటీ కృతి శెట్టి జోడిగా కనిపించనుంది.
లేటెస్ట్ అప్డేట్ ప్రకారం, ఈ చిత్రం సెన్సార్ ఫార్మాలిటీస్ పూర్తి చేసుకొని CBFC నుండి U/A సర్టిఫికేట్ పొందినట్లు సమాచారం. రానున్న రోజులలో మూవీ మేకర్స్ నుండి ఈ విషయం గురించి అధికారిక ప్రకటన వెలువడనుంది. ఈ కాప్ డ్రామా మే 12, 2023న ప్రపంచవ్యాప్తంగా ప్రేక్షకుల ముందుకు రానుంది.
ఈ సినిమాలో జాతీయ అవార్డు గ్రహీత ప్రియమణి, అరవింద్ స్వామి, నరేష్, సంపత్ రాజ్, వెన్నెల కిషోర్, శరత్ కుమార్, ప్రేమి విశ్వనాధ్ కీలక పాత్రలు పోషిస్తున్నారు. ఈ తెలుగు-తమిళ చిత్రానికి స్టార్ మ్యూజిక్ డైరెక్టర్ మాస్ట్రో ఇళయరాజా, ఆయన తనయుడు, మ్యూజిక్ కంపోజర్ యువన్ శంకర్ రాజా సంగీతం అందిస్తున్నారు. ఈ చిత్రాన్ని టాలీవుడ్ నిర్మాణ సంస్థ శ్రీనివాస సిల్వర్‌ స్క్రీన్‌ నిర్మిస్తోంది.
|
|