చిరంజీవి 'భోళా శంకర్' పై తాజా అప్‌డేట్
cinema | Suryaa Desk | Published : Tue, May 23, 2023, 08:44 PM
మెహర్ రమేష్ దర్శకత్వంలో టాలీవుడ్ మెగాస్టార్ చిరంజీవి "భోళా శంకర్" సినిమాలో నటిస్తున్న సంగతి అందరికి తెలిసిన విషయమే. ఈ యాక్షన్ ఎంటర్‌టైనర్‌లో చిరు సరసన మిల్కీ బ్యూటీ తమన్నా భాటియా కథానాయికగా నటిస్తోంది. ఈ చిత్రం తమిళంలో సూపర్ హిట్ మూవీ వేదాళం యొక్క అధికారిక తెలుగు రీమేక్. ఈ సినిమా 2023 ఆగస్టు 11న థియేటర్లలో విడుదలకి సిద్ధంగా ఉంది.
తాజాగా ఈ చిత్ర దర్శకుడు ఇటీవల తన అధికారిక సోషల్ మీడియా హ్యాండిల్స్‌లో భోలా శంకర్ షూటింగ్ యొక్క కొన్ని చిత్రాలను పోస్ట్ చేశాడు. స్విట్జర్లాండ్‌లో చిరంజీవి మరియు తమన్నా మధ్య రొమాంటిక్ పాట చిత్రీకరణను చిత్ర బృందం పూర్తి చేసి తిరిగి భారతదేశానికి వస్తున్నట్లు అయన వెల్లడించారు. కఠినమైన వాతావరణ పరిస్థితులు ఉన్నప్పటికీ షూటింగ్‌ను పూర్తి చేయడంలో అంకితభావంతో ఉన్న తారలు మరియు సిబ్బందికి ధన్యవాదాలు తెలిపారు.
ఈ మెగా భారీ యాక్షన్ ఎంటర్‌టైనర్ లో రావు రమేష్, మురళీ శర్మ, తులసి, వెన్నెల కిషోర్, కీర్తి సురేష్ తదితరులు కీలక పాత్రలు పోషిస్తున్నారు. ఎకె ఎంటర్‌టైన్‌మెంట్స్ ఈ సినిమాని నిర్మిస్తున్నారు. మహతి స్వర సాగర్ సంగీతం అందిస్తున్నారు.
|
|