'గుంటూరు కారం' కొత్త షెడ్యూల్ ప్రారంభం అప్పుడేనా?
cinema | Suryaa Desk | Published : Mon, Jun 12, 2023, 06:43 PM
టాలీవుడ్ సూపర్ స్టార్ మహేష్ బాబు దర్శకుడు త్రివిక్రమ్ కాంబినేషన్ లో సినిమా వస్తుంది అని అందరికి తెలిసిన విషయమే. ఈ మూవీకి 'గుంటూరు కారం' అని టైటిల్ మూవీ మేకర్స్ లాక్ చేసారు. లేటెస్ట్ అప్డేట్ ప్రకారం, జూన్ 12 అంటే ఈరోజు కిక్-స్టార్ట్ కావాల్సిన ఈ చిత్రం యొక్క తదుపరి ప్రధాన షెడ్యూల్ జూన్ 16కి వాయిదా పడినట్లు సమాచారం. జూన్ 16న షూటింగ్ తిరిగి ప్రారంభమవుతుంది. కొత్త షెడ్యూల్ హైదరాబాద్‌లో జరుగుతుందని మరియు యూనిట్ మహేష్ మరియు ఇతర ముఖ్య నటీనటులతో కూడిన కొన్ని హై-వోల్టేజ్ యాక్షన్ సన్నివేశాలను ఈ షెడ్యూల్ లో చిత్రీకరించనుంది అని ఫిలిం సర్కిల్ లో లేటెస్ట్ టాక్.
ఈ సినిమాలో మహేష్ సరసన సిజ్లింగ్ బ్యూటీ పూజా హెడ్గే జోడిగా నటిస్తుంది. జగపతిబాబు విలన్‌గా నటిస్తున్న ఈ సినిమాలో శ్రీలీల కూడా ఒక కీలక పాత్రలో నటిస్తోంది. ఈ చిత్రం జనవరి 13, 2024న ప్రపంచవ్యాప్తంగా గ్రాండ్‌ విడుదలకి సిద్ధంగా ఉంది. ఫ్యామిలీ ఎంటర్‌టైనర్‌ ట్రాక్ లో రానున్న ఈ సినిమాని హారిక అండ్ హాసిని క్రియేషన్స్ నిర్మిస్తుంది. ఈ సినిమాకి థమన్ సంగీతం అందిస్తున్నారు.
|
|