200 మిలియన్ల స్ట్రీమింగ్ నిమిషాలను క్లాక్ చేసిన 'న్యూసెన్స్'
cinema | Suryaa Desk | Published : Mon, Jun 12, 2023, 08:55 PM
భారతదేశంలోని ప్రముఖ OTT ప్లాట్‌ఫారమ్‌లలో ఆహా ఒకటి. ఈ పాపులర్ OTT ప్లాట్ఫారం తాజాగా 'న్యూసెన్స్' అనే టైటిల్ తో ఒక వెబ్ సిరీస్ ని విడుదల చేసిన సంగతి తెలిసిందే. తాజా సమాచారం ప్రకారం, న్యూసెన్స్ సిరీస్ 200 మిలియన్ స్ట్రీమింగ్ నిమిషాలను క్లాక్ చేసినట్లు సమాచారం. డిజిటల్ ప్లాట్‌ఫారమ్ ఆహా ఈ విషయాన్ని అధికారికంగా ప్రకటించింది. ఈ సిరీస్ లో నంద గోపాల్, రమేష్ కోనంభొట్ల, పూర్ణ చంద్ర, కట్టా ఆంటోని, నల్ల శ్రీధర్ రెడ్డి, గణేష్ తిప్పరాజు, వెంకట రమణ అయ్యగారి కీలక పాత్రలు పోషించారు.
శ్రీ ప్రవిన్ కుమార్ దర్శకత్వంలో నవదీప్ మరియు బిందు మాధవి ప్రధాన పాత్రల్లో నటించిన న్యూసెన్స్ వెబ్ సిరీస్ ని తెలుగు OTT ప్లాట్‌ఫారమ్ ఆహా మరియు ప్రముఖ నిర్మాణ సంస్థ పీపుల్ మీడియా ఫ్యాక్టరీ కలిసి నిర్మించారు. ఈ సిరీస్ కి సురేష్ బొబ్బిలి సంగీతం అందించారు. అనంతనాగ్ కావూరి, వేదరామన్, ప్రసన్న సినిమాటోగ్రఫీని నిర్వహించారు.
|
|