ట్రెండింగ్
అనాథ పిల్లల కోసం 2,500 'ఆదిపురుష' మూవీ టిక్కెట్లు బుక్ చేసిన మంచు మనోజ్
cinema | Suryaa Desk | Published : Mon, Jun 12, 2023, 09:21 PM
పాన్ ఇండియా స్టార్ ప్రభాస్ రాముడి పాత్రలో నటించిన సినిమా 'ఆదిపురుష'. ఈ సినిమాకి ఓం రౌత్ దర్శకత్వం వహించారు. ఈ సినిమాలో కృతి సనన్ సీత పాత్రలో నటించారు.అయితే ఈ సినిమా జూన్ 16న ప్రపంచవ్యాప్తంగా విడుదల కానుంది. ఈ సినిమాకి సంబంధించి బాలీవుడ్ హీరో రణబీర్ కపూర్ ఇప్పటికే 10,000 టిక్కెట్లు కొని పేద పిల్లలకు చూపిస్తానని ప్రకటించారు.నిర్మాత అభిషేక్ అగర్వాల్ పదివేలు, సింగర్ అనన్య బిర్లా పదివేలు, శ్రేయాస్ మీడియా ఖమ్మం జిల్లాలోని ప్రతి రామాలయానికి 100 ఉచిత టిక్కెట్లు ఇస్తున్నట్లు ప్రకటించారు. తాజాగా ఈ జాబితాలో హీరో మంచు మనోజ్ కూడా చేరాడు. 2,500 టిక్కెట్లు బుక్ చేసి తెలుగు రాష్ట్రాల్లోని అనాథ పిల్లలకు సినిమాని చూపించనున్నారు.
|
|