''AAA'' సినిమాస్... మంత్రి తలసానితో కలిసి ప్రారంభించిన బన్నీ..

''AAA'' సినిమాస్.. ఎట్టకేలకు ఈ మల్టీ ప్లెక్స్ థియేటర్ గ్రాండ్ లాంచ్ అయ్యింది. గతంలో మహేష్ బాబు ఈ తరహా గ్రాండ్ మల్టీ ప్లెక్స్ ను అత్యాధునిక వసతులతో స్టార్ట్ చేసారు.ఏఎం బి థియేటర్స్ తరహా లోనే ఇప్పుడు ఐకాన్ స్టార్ అల్లు అర్జున్ మల్టీ ప్లెక్స్ లాంచ్ జరిగింది.. 'AAA' అంటే ఏషియన్ అల్లు అర్జున్ మల్టీ ప్లెక్స్ థియేటర్ ను ఈ రోజు గ్రాండ్ లాంచింగ్ చేసారు.ఐకాన్ స్టార్ అల్లు అర్జున్ ఏషియన్ సినిమాస్ సునీల్ నారంగ్ తో చేతులు కలిపి AAA సినిమాస్ అనే భారీ మల్టీ ప్లెక్స్ ను నిర్మించారు. ఒకప్పుడు హైదరాబాద్ లో సత్యం థియేటర్ ఉన్న చోట ఈ మల్టీ ప్లెక్స్ నిర్మాణం జరిగింది.. ప్రజలను అబ్బురపరిచే విధంగా అన్ని హంగులతో సాంకేతిక పరిజ్ఞానంతో AAA సినిమాస్ రూపుదిద్దుకుంది.

గత కొన్ని రోజుల క్రితం ఈ AAA సినిమాస్ నిర్మాణం పూర్తి అయ్యింది.. దీని ప్రారంభం ఎప్పుడెప్పుడా అని ఎదురు చూస్తున్న తరుణంలో ఆ రోజు రానే వచ్చింది.. ఎన్నో రోజుల అందరి నిరీక్షణ పూర్తి అయ్యి నేను ఐకాన్ స్టార్ అల్లు అర్జున్( Icon star Allu Arjun ) చేతుల మీదుగా AAA సినిమాస్ గ్రాండ్ లాంచింగ్ జరిగింది. మరి ఈ లాంచ్ ఈవెంట్ లో మంత్రి తలసాని శ్రీనివాస్ యాదవ్ తో పాటు అల్లు అరవింద్ కూడా పాల్గొన్నారు. ఈ మల్టీ ప్లెక్స్ థియేటర్ ను అల్లు అర్జున్ లాంచ్ చేయడంతో ఫ్యాన్స్ తో ఈ థియేటర్ మొత్తం కళకళ లాడిపోతుంది. ఇందులో చాలా ప్రత్యేకతలతో ఈ థియేటర్ ను రెడీ చేయించారు. లోపల అబ్బురపరిచే దృశ్యాలతో మొత్తం 5 స్క్రీన్స్ అందులో ఒక అల్ట్రా హెచ్ డి సిస్టం కలిగిన ఎల్ ఈడీ మిగిలినవి నార్మల్ ప్రొజెక్టర్ స్క్రీన్స్.. అంతేకాదు ఫుడ్ కోర్ట్, సీటింగ్, ఇంటీరియర్ తో అదిరిపోయే విధంగా అద్భుతంగా ఈ మల్టీ ప్లెక్స్ థియేటర్ ను తీర్చిదిద్దారు. ఇక ఇందులో మొదటి రిలీజ్ అయ్యే సినిమా ఆదిపురుష్.. రేపు ఈ సినిమా ఈ థియేటర్ లో కూడా రిలీజ్ కానుంది.