వెంకటేష్ 'సైంధవ్' లో తమిళ హీరో కీలక పాత్ర
cinema | Suryaa Desk | Published : Thu, Jun 15, 2023, 06:43 PM
శైలేష్ కొలను దర్శకత్వంలో టాలీవుడ్ హీరో వెంకటేష్ తన 75వ సినిమాని అధికారికంగా ప్రకటించిన సంగతి అందరికి తెలిసిందే. ఈ సినిమాకి 'సైంధవ్' అనే టైటిల్ ని మూవీ మేకర్స్ లాక్ చేసారు. తాజా బజ్ ప్రకారం, ఈ చిత్రంలో తమిళ నటుడు ఆర్య కీలక పాత్రలో కనిపించనున్నట్లు సమాచారం. ఈ విషయం గురించి మూవీ మేకర్స్ నుండి అధికారిక ప్రకటన రావలిసి ఉన్నప్పటికీ, అతను ఇప్పటికే సెట్స్‌లోకి జాయిన్ అయ్యాడని కూడా పుకారు ఉంది.
యాక్షన్ ఎంటర్‌టైనర్‌గా తెరకెక్కుతున్నఈ సినిమాలో శ్రద్ధా శ్రీనాథ్ కథానాయికగా నటిస్తుంది. ఈ చిత్రంలో ఆండ్రియా జెరెమియా, నవాజుద్దీన్ సిద్ధిక్, రుహానీ శర్మ తదితరులు ముఖ్య పాత్రలు పోషిస్తున్నారు. ఈ సినిమా డిసెంబరు 22, 2023న ప్రేక్షకుల ముందుకు రానుంది. ఈ హై-వోల్టేజ్ యాక్షన్ థ్రిల్లర్ ని నిహారిక ఎంటర్‌టైన్‌మెంట్ బ్యానర్‌పై వెంకట్ బోయనపల్లి నిర్మిస్తున్నారు. ఈ పాన్ ఇండియన్ చిత్రానికి సంతోష్ నారాయణన్ సంగీతం అందిస్తున్నారు.
|
|