షూటింగ్ ప్రారంభించిన ప్రవీణ్ సత్తారు స్పై థ్రిల్లర్ సిరీస్
cinema | Suryaa Desk | Published : Mon, Jun 19, 2023, 04:15 PM
గుంటూరు టాకీస్, గరుడ వేగ వంటి చిత్రాలతో గుర్తింపు తెచ్చుకున్న దర్శకుడు ప్రవీణ్ సత్తారు ఇప్పుడు ఓటీటీ ప్లాట్ఫారం జీ5తో కలిసి ఒక వెబ్ సిరీస్ ని ప్రకటించిన సంగతి అందరికి తెలిసిందే. ఈ వెబ్ సిరీస్ కి 'మిషన్ తషాఫీ' అనే టైటిల్ ని మూవీ మేకర్స్ లాక్ చేసారు. ఈ వెబ్ సేరీస్ కి ప్రవీణ్ సత్తారు దర్శకత్వం వహించడమే కాకుండా కథ, స్క్రీన్ ప్లే కూడా అందిస్తున్నారు.
తెలుగులో ఇదే తొలి స్పై థ్రిల్లర్ సిరీస్. ఈ వెబ్ సిరీస్ షూటింగ్ ప్రారంభించినట్లు మూవీ మేకర్స్ వెల్లడించారు. మిషన్ తషాఫీలో హై-ఆక్టేన్ యాక్షన్ సీక్వెన్స్‌లు ఉంటాయని, అవి అన్యదేశ ప్రదేశాలలో చిత్రీకరించబడతాయని సమాచారం.
ఈ సిరీస్ లో సిమ్రాన్ చౌదరి, శ్రీకాంత్ అయ్యంగర్, అనీష్ కురువిల్లా చత్రపతి శేఖర్, భూషణ్ కళ్యాణ్ కీలక పాత్రలు పోషిస్తున్నారు. ఫిలిం రిపబ్లిక్ బ్యానర్‌పై ప్రణతిరెడ్డి ఈ సిరీస్ ని నిర్మిస్తున్నారు.
|
|
