OTT భాగస్వామిని లాక్ చేసిన 'ఖుషి'?
cinema | Suryaa Desk | Published : Mon, Jun 19, 2023, 08:53 PM
టాలీవుడ్ యంగ్ అండ్ సేనాషనల్ హీరో విజయ్ దేవరకొండ శివ నిర్వాణ దర్శకత్వంలో ఒక సినిమాని ప్రకటించిన సంగతి అందరికి తెలిసిందే. ఈ రొమాంటిక్ లవ్ స్టోరీకి మూవీ మేకర్స్ 'ఖుషి' అనే టైటిల్ ని లాక్ చేసారు. ఈ సినిమాలో విజయ్ దేవరకొండ సరసన గ్లామర్ బ్యూటీ సమంత రూత్ ప్రభు జంటగా కనిపించనుంది.
తాజా సమాచారం ప్రకారం, ఈ చిత్రం యొక్క డిజిటల్ స్ట్రీమింగ్ హక్కులను ప్రముఖ OTT ప్లాట్‌ఫారమ్ అమెజాన్ ప్రైమ్ వీడియో భారీ మొత్తానికి సొంతం చేసుకున్నట్లు సమాచారం. అయితే ఈ విషయం గురించి మూవీ మేకర్స్ లేదా OTT సర్వీస్ ఇంకా ధృవీకరించలేదు. సెప్టెంబర్ 1, 2023న తెలుగు, తమిళం, మలయాళం మరియు కన్నడ భాషల్లో ఈ సినిమా విడుదలకి సిద్ధంగా ఉంది.
ఫ్యామిలీ ఎంటర్‌టైనర్‌ ట్రాక్ లో రానున్న ఈ సినిమాలో సచిన్ ఖేడాకర్, మురళీ శర్మ, లక్ష్మి, అలీ, రోహిణి, వెన్నెల కిషోర్, రాహుల్ రామకృష్ణ, శ్రీకాంత్ అయ్యంగార్, శరణ్య తదితరులు కీలక పాత్రలు పోషిస్తున్నారు. హృదయం ఫేమ్ హేషమ్ అబ్దుల్ వహాబ్ ఈ చిత్రానికి సంగీతం అందిస్తున్నారు. మైత్రీ మూవీ మేకర్స్ ఈ సినిమాని నిర్మిస్తుంది.
|
|