IMAX ఫార్మాట్ లో 'సాలార్' విడుదల కానుందా?
cinema | Suryaa Desk | Published : Wed, Jun 21, 2023, 08:43 PM
ప్రశాంత్ నీల్ డైరెక్షన్ లో టాలీవుడ్ యంగ్ రెబల్ స్టార్ ప్రభాస్ 'సాలార్' సినిమాలో నటిస్తున్న సంగతి అందరికి తెలిసిందే. యాక్షన్ థ్రిల్లర్ ట్రాక్ లో వస్తున్న ఈ సినిమాలో ప్రభాస్ సరసన శృతి హాసన్ నటిస్తుంది. లేటెస్ట్ అప్డేట్ ప్రకారం, స్టాండర్డ్ 2డి వెర్షన్‌తో పాటు ఐమాక్స్ ఫార్మాట్‌లో కూడా సాలార్ విడుదల కానుందని సోషల్ మీడియాలో ప్రచారం జరుగుతోంది. IMAX విడుదలకు అవసరమైన పనులు ప్రస్తుతం జరుగుతున్నాయని చెప్పబడుతున్నప్పటికీ, చిత్రనిర్మాతల నుండి అధికారిక నిర్ధారణ ఇంకా వెలువడలేదు.
అందరూ ఎంతో ఆశక్తిగా ఎదురుచూస్తున్న సాలార్ చిత్రం సెప్టెంబరు 28, 2023న తెలుగు, తమిళం, కన్నడ, మలయాళం మరియు హిందీ భాషల్లో ప్రేక్షకుల ముందుకు రాబోతుంది. ఈ సినిమాలో గోపీ, జగపతిబాబు, పృథ్వీరాజ్ సుకుమారన్, ఈశ్వరీ రావు, పొగరు ఫేమ్ శ్రీయా రెడ్డి కీలక పాత్రలో కనిపించనున్నారు. ఈ చిత్రాన్ని హోంబలే ఫిల్మ్స్ పతాకంపై విజయ్ కిరగందూర్ నిర్మిస్తున్నారు.
|
|