భారీ షెడ్యూల్‌ని పూర్తి చేసిన 'దేవర' టీమ్
cinema | Suryaa Desk | Published : Mon, Jun 26, 2023, 04:54 PM
కొరటాల శివ డైరెక్షన్ లో టాలీవుడ్ యంగ్ టైగర్ జూనియర్ ఎన్టీఆర్ ఒక చిత్రాన్ని ప్రకటించిన విషయం అందరికి తెలిసిందే. ఈ పాన్-ఇండియన్ చిత్రానికి 'దేవర' అనే టైటిల్ ని మూవీ మేకర్స్ లాక్ చేసారు. తాజా సమాచారం ప్రకారం, నిన్న రాత్రి చిత్ర బృందం భారీ షెడ్యూల్‌ని పూర్తి చేసింది. ఈ విషయాన్ని సినిమాటోగ్రాఫర్ ఆన్‌లైన్‌లో ధృవీకరించారు. హైదరాబాద్‌లో ప్రత్యేకంగా వేసిన సెట్‌లో దాదాపు నెల రోజుల పాటు జరిగిన ఈ షెడ్యూల్‌లో యాక్షన్ సన్నివేశాన్ని మూవీ మేకర్స్ చిత్రీకరించారు.
ఈ చిత్రం ఏప్రిల్ 5, 2024న విడుదల కానుంది. ఈ సినిమాలో జూనియర్ ఎన్టీఆర్ సరసన బాలీవుడ్ బ్యూటీ జాన్వీ కపూర్ జోడిగా నటిస్తుంది. సౌత్ ఇండియన్ మ్యూజిక్ సెన్సేషన్ అనిరుధ్ రవిచందర్ ఈ సినిమాకి మ్యూజిక్ కంపోజ్ చేస్తున్నట్లు సమాచారం. కళ్యాణ్ రామ్, ఎన్టీఆర్ ఆర్ట్స్ బ్యానర్‌తో కలిసి యువసుధ ఆర్ట్స్ బ్యానర్ ఎ ఈ సినిమాని నిర్మిస్తున్నారు.
|
|
