'బ్రో' టీజర్‌కి డబ్బింగ్ పూర్తి చేసిన పవన్ కళ్యాణ్
cinema | Suryaa Desk | Published : Wed, Jun 28, 2023, 04:13 PM
సముద్రఖని దర్శకత్వంలో పవన్ కళ్యాణ్ మరియు సాయి ధరమ్ తేజ్ ఒక సినిమాని చేస్తున్న సంగతి అందరికి తెలిసిందే. ఈ మూవీకి అధికారికంగా 'BRO' అనే పేరు పెట్టారు. ఈ సినిమా టీజర్ విడుదల కోసం పవన్ కళ్యాణ్ అభిమానులు ఎంతో ఆసక్తిగా ఎదురుచూస్తున్నారు. తాజాగా టీజర్ అతి త్వరలో రాబోతుందని ప్రకటించడానికి పవన్ కళ్యాణ్ మరియు సాయి ధరమ్ తేజ్‌లతో కూడిన భారీ పోస్టర్‌ను మూవీ మేకర్స్ విడుదల చేసారు. మాస్ అవతార్‌లో ఉన్న స్టార్ హీరోస్ యొక్క పోస్టర్ సోషల్ మీడియాలో హల్ చల్ చేస్తోంది.
లేటెస్ట్ రిపోర్ట్స్ ప్రకారం, ఈ సినిమా టీజర్ యొక్క డబ్బింగ్ పనులను పవర్ స్టార్ ప్రారంభించినట్లు మూవీ మేకర్స్ కొన్ని వర్కింగ్ స్టిల్స్ ని విడుదల చేసారు. అంతేకాకుండా ఈ సినిమా టీజర్ అనౌన్స్మెంట్ ఈరోజు సాయంత్రం 5:04 PM కి మూవీ మేకర్స్ వెల్లడించనున్నారు. ఈ బిగ్గీ జూలై 28, 2023న ప్రపంచవ్యాప్తంగా పెద్ద తెరపైకి రానుంది.
ఈ ఫాంటసీ కామెడీ డ్రామాలో ప్రియా ప్రకాష్ వారియర్ కథానాయికగా నటిస్తోంది. ఈ సినిమా తమిళ చిత్రం వినోదయ సితం యొక్క అధికారిక రీమేక్. ఈ సినిమాలో కేతిక శర్మ, బ్రహ్మానందం, రోహిణి మొల్లేటి, సుబ్బరాజు, తనికెళ్ల భరణి మరియు రాజా చెంబోలు కూడా సహాయక పాత్రల్లో నటిస్తున్నారు. జీ స్టూడియోస్‌తో కలిసి పీపుల్ మీడియా ఫ్యాక్టరీ ఈ చిత్రాన్ని నిర్మించింది. ఈ చిత్రానికి థమన్ సంగీతం అందించారు.
|
|
