షూటింగ్ పూర్తి చేసుకున్న చిరంజీవి 'భోళా శంకర్'
cinema | Suryaa Desk | Published : Mon, Jul 03, 2023, 09:48 PM
మెహర్ రమేష్ దర్శకత్వంలో టాలీవుడ్ మెగాస్టార్ చిరంజీవి "భోళా శంకర్" సినిమాలో నటిస్తున్న సంగతి అందరికి తెలిసిన విషయమే. ఈ యాక్షన్ ఎంటర్‌టైనర్‌లో చిరు సరసన మిల్కీ బ్యూటీ తమన్నా భాటియా కథానాయికగా నటిస్తోంది. తాజాగా ఈ రోజు చిత్ర దర్శకుడు మెహర్ రమేష్ సోషల్ మీడియా ద్వారా భోలా శంకర్ షూటింగ్ మొత్తం పూర్తయిందని ప్రకటించారు. ప్రస్తుతం పోస్ట్ ప్రొడక్షన్ వర్క్ జరుగుతోందని త్వరలోనే మ్యూజికల్ అప్‌డేట్‌లను విడుదల చేస్తామని ఆయన పేర్కొన్నారు.
ఈ సినిమా 2023 ఆగస్టు 11న థియేటర్లలో విడుదలకి సిద్ధంగా ఉంది. ఈ మెగా భారీ యాక్షన్ ఎంటర్‌టైనర్ లో రావు రమేష్, మురళీ శర్మ, తులసి, వెన్నెల కిషోర్,కీర్తి సురేష్, రఘుబాబు, రవిశంకర్, శ్రీ ముఖి, రష్మీ గౌతమ్, ఉత్తేజ్ తదితరులు కీలక పాత్రలు పోషిస్తున్నారు. ఈ చిత్రం తమిళంలో సూపర్ హిట్ మూవీ వేదాళం యొక్క అధికారిక తెలుగు రీమేక్. ఎకె ఎంటర్‌టైన్‌మెంట్స్ ఈ సినిమాని నిర్మిస్తున్నారు. మహతి స్వర సాగర్ సంగీతం అందిస్తున్నారు.
|
|