'ఫలక్నుమా దాస్' పాట దుమ్ము దులిపేస్తోందిగా!
cinema | Suryaa Desk | Published : Tue, Feb 19, 2019, 02:36 PM
‘ఈ నగరానికి ఏమైంది’ చిత్రంతో నటుడు విశ్వక్సేన్ను ఇండస్ట్రీకి పరిచయం చేశారు పెళ్లి చూపులు ఫేమ్ తరుణ్ భాస్కర్. తాజాగా తరుణ్ భాస్కర్ కీలకపాత్రలో విశ్వక్సేన్ నటిస్తూ దర్శకత్వం వహించిన మూవీ ‘ఫలక్నుమా దాస్’. మలయాళంలో ఆంటోనీ వర్గీస్ హీరోగా నటించిన 'అంగమలి డైరీస్' చిత్రాన్ని తెలుగులో ఫలక్నుమా దాస్ పేరుతో రీమేక్ చేశారు.
పక్కా తెలంగాణ గ్యాంగ్ స్టార్ బాక్ డ్రాప్తో క్రైమ్ డ్రామాగా ‘ఫలక్నుమా దాస్’ చిత్రాన్ని రూపొందించారు. ఇటీవల విడుదలైన ఈ మూవీ టీజర్పై ఆసక్తికరమైన చర్చ నడిచింది. పచ్చి బూతులతో ఎక్కడా బీప్స్ లేకుండా తరుణ్ భాస్కర్తో పాటు మిగిలిన నటీనటులు బోల్డ్ డైలాగ్స్తో టీజర్లో రచ్చ చేశారు. తాజాగా ఈ మూవీ నుండి పాయే... పాయే అనే సాంగ్ను విడుదల చేశారు. వివేక్ సాగర్ సంగీతం అందించిన ఈ పాటకు సుద్దాల అశోక్ తేజ లిరిక్స్ అందించగా.. రాహుల్, శివ నాగరాజులు ఆలపించారు. ‘పాయె.. పాయె’ అంటూ సాగిన ఈ సాంగ్ పక్కా తెలంగాణ యాసలో దుమ్మురేపేదిగా ఉంది.
|
|