యాక్షన్ సీక్వెన్స్‌కు 17 కోట్లు ఖర్చు చేసిన 'జవాన్' టీమ్?
cinema | Suryaa Desk | Published : Wed, Jul 05, 2023, 05:07 PM
బాలీవుడ్ కింగ్ ఖాన్ షారుక్ ఖాన్ సౌత్ డైరెక్టర్ అట్లీతో ఒక సినిమాని ప్రకటించిన సంగతి అందరికి తెలిసందే. ఈ చిత్రానికి 'జవాన్' అనే టైటిల్ ను మూవీ మేకర్స్ లాక్ చేసారు. ఈ మూవీలో షారూఖ్ ఖాన్ సరసన జోడిగా లేడీ సూపర్ స్టార్ నయనతార నటిస్తుంది. లేటెస్ట్ అప్డేట్ ప్రకారం, ఈ సినిమాలో ఒక యాక్షన్ సీక్వెన్స్ కి మూవీ మేకర్స్ దాదాపు 17 కోట్లు ఖర్చు చేసినట్లు సమాచారం. ఈ సినిమాలో 70 స్కార్పియోలతో థ్రిల్లింగ్ హైవే ఛేజ్ సీన్ ఉన్నట్లు ఇది సినిమా హైలైట్‌లలో ఒకటిగా ఉంటుందని లేటెస్ట్ టాక్.
ఈ చిత్రం సెప్టెంబర్ 7, 2023న ప్రపంచ వ్యాప్తంగా ప్రేక్షకుల ముందుకు రానుంది. అందరూ ఎంతో ఆసక్తిగా ఎదురుచూస్తున్న ఈ పాన్-ఇండియా ప్రాజెక్ట్‌లో కోలీవుడ్ స్టార్ హీరో విజయ్ సేతుపతి, ప్రియమణి, సన్యా మల్హోత్రా అండ్ సునీల్ గ్రోవర్ కీలక పాత్రలు పోషిస్తున్నారు. రెడ్ చిల్లీస్ ఎంటర్‌టైన్‌మెంట్ ఈ సినిమాని నిర్మిస్తుంది. ఈ చిత్రానికి అనిరుధ్ రవిచందర్ సంగీతం అందించనున్నారు.
|
|