'భాగ్‌సాలే' ను ఓవర్సీస్‌లో విడుదల చేయనున్న ప్రముఖ ప్రొడక్షన్ హౌస్
cinema | Suryaa Desk | Published : Wed, Jul 05, 2023, 08:59 PM
శ్రీ సింహ కోడూరి తన వినూత్న స్క్రిప్ట్ ఎంపికతో చిత్ర పరిశ్రమలో మంచి గుర్తింపు పొందారు. ప్రణీత్ బ్రమండపల్లి దర్శకత్వంలో శ్రీ సింహ తన తదుపరి సినిమాని ప్రకటించిన సంగతి అందరికి తెలిసిందే. ఈ చిత్రానికి 'భాగ్ సాలే' అనే టైటిల్ ని మూవీ మేకర్స్ లాక్ చేసారు. లేటెస్ట్ అప్డేట్ ప్రకారం, ఈ క్రైమ్ కామెడీ ఎంటర్‌టైనర్ ని రెడ్‌హార్ట్ మూవీస్ ఓవర్సీస్‌లో విడుదల చేస్తున్నట్లు సమాచారం. ఈ విషయాన్ని మూవీ మేకర్స్ ఆన్లైన్ లో పోస్టర్ ని విడుదల చేసి ప్రకటించారు.
ఈ చిత్రంలో నేహా సోలంకి కథానాయికగా నటిస్తుంది. ఈ చిత్రం జూలై 7న థియేటర్లలో గ్రాండ్ గా విడుదలకు సిద్ధంగా ఉంది. క్రైమ్ కామెడీ ట్రాక్ లో రానున్న ఈ చిత్రంలో రాజీవ్ కనకాల, వైవా హర్ష, సత్య, సుదర్శన్, వర్షిణి తదితరులు కీలక పాత్రలు పోషించారు.
ఈ చిత్రానికి కాల భైరవ సంగీతం అందించారు. బిగ్ బెన్ మరియు సినీ వ్యాలీ మూవీస్‌తో కలిసి వేదాంష్ క్రియేటివ్ వర్క్స్ బ్యానర్‌పై అర్జున్ దాస్యన్, యష్ రంగినేని మరియు కళ్యాణ్ సింగనమల భాగ్ సాలేను నిర్మిస్తున్నారు.
|
|