35M+ మిలియన్ వ్యూస్ ని సొంతం చేసుకున్న 'సాలార్' టీజర్
cinema | Suryaa Desk | Published : Thu, Jul 06, 2023, 05:31 PM
ప్రశాంత్ నీల్ డైరెక్షన్ లో టాలీవుడ్ యంగ్ రెబల్ స్టార్ ప్రభాస్ 'సాలార్' సినిమాలో నటిస్తున్న సంగతి అందరికి తెలిసిందే. అందరూ ఎంతో ఆసక్తిగా ఎదురుచూస్తున్న ఈ యాక్షన్ చిత్రం సాలార్ యొక్క టీజర్ యూట్యూబ్‌లో విడుదలైంది. 100సెకన్లకు పైగా రన్ టైమ్ ని కలిగి ఉన్న ఈ టీజర్ ప్రేక్షకులకు ఊరటనిస్తోంది. సినిమాలో కీలక పాత్ర పోషించిన టిన్ను ఆనంద్‌ని పరిచయం చేయడంతో ఈ టీజర్ ప్రారంభమవుతుంది. టీజర్‌లో ఎలక్ట్రిఫైయింగ్ బ్యాక్‌గ్రౌండ్ స్కోర్ ఉండగా, సాలార్ రెండు భాగాలుగా విడుదల చేయబడుతుందని మూవీ మేకర్స్ ధృవీకరించారు.
తాజాగా ఇప్పుడు ఈ సినిమా టీజర్ ఇప్పుడు విడుదలైన 10 గంటల్లో 35M వీక్షణలు సొంతం చేసుకుంది. యాక్షన్ థ్రిల్లర్ ట్రాక్ లో వస్తున్న ఈ సినిమాలో ప్రభాస్ సరసన శృతి హాసన్ నటిస్తుంది. ఈ సినిమాలో గోపీ, జగపతిబాబు, పృథ్వీరాజ్ సుకుమారన్, ఈశ్వరీ రావు, పొగరు ఫేమ్ శ్రీయా రెడ్డి కీలక పాత్రలో కనిపించనున్నారు.
అందరూ ఎంతో ఆశక్తిగా ఎదురుచూస్తున్న సాలార్ చిత్రం సెప్టెంబరు 28, 2023న తెలుగు, తమిళం, కన్నడ, మలయాళం మరియు హిందీ భాషల్లో ప్రేక్షకుల ముందుకు రాబోతుంది. మూవీ మేకర్స్ ఎటువంటి పాటలు లేకుండా ఇంగ్లీష్ వెర్షన్‌ను విడుదల చేయటానికి ప్లాన్ చేస్తున్నట్లు ఫిలిం సర్కిల్ లో వార్తలు వినిపిస్తున్నాయి. ఈ చిత్రాన్ని హోంబలే ఫిల్మ్స్ పతాకంపై విజయ్ కిరగందూర్ నిర్మిస్తున్నారు.
|
|