విజయ్ 'లియో' లో స్టార్ తమిళ హీరో క్యామియో?
cinema | Suryaa Desk | Published : Thu, Jul 06, 2023, 07:25 PM
కోలీవుడ్ స్టార్ డైరెక్టర్ లోకేష్ కానగరాజ్ తన తదుపరి సినిమాని తలపతి విజయ్ తో చేస్తున్న సంగతి తెలిసిందే. ఈ చిత్రానికి 'లియో' అనే టైటిల్ ని మూవీ మేకర్స్ లాక్ చేసారు. విజయ్ సరసన ఈ సినిమాలో త్రిష జోడిగా నటిస్తుంది. ఇటీవల, తెలుగు స్టార్ రామ్ చరణ్ లియోలో కీలక పాత్ర కోసం ఎంచుకున్నట్లు వార్తలు వచ్చాయి.
తాజాగా ఇప్పుడు, ఈ పాన్-ఇండియా గ్యాంగ్‌స్టర్ డ్రామాలో తమిళ హీరో ధనుష్ అతిధి పాత్రలో కనిపించనున్నట్లు సోషల్ మీడియాలో వార్తలు వినిపిస్తున్నాయి. లేటెస్ట్ అప్డేట్ ప్రకారం, ధనుష్‌ను లియో డైరెక్టర్ లోకేష్ కనగరాజ్ ఇంకా సంప్రదించలేదని, వైరల్ అవుతున్న న్యూస్ కేవలం ఊహాగానాలేనని ఫిలిం సర్కిల్ లో లేటెస్ట్ టాక్.
లియో అక్టోబర్ 19, 2023న సినిమా థియేటర్స్ లో విడుదల కానుంది. ఈ చిత్రంలో ప్రియా ఆనంద్, సంజయ్ దత్, గౌతమ్ వాసుదేవ్ మీనన్, మిస్కిన్, యాక్షన్ కింగ్ అర్జున్, మాథ్యూ థామస్, మన్సూర్ అలీ ఖాన్ మరియు డ్యాన్స్ మాస్టర్ శాండీ, అనురాగ్ కశ్యప్‌ కీలక పాత్రలలో కనిపించనున్నారు. ఈ చిత్రానికి అనిరుధ్ సంగీతం అందించనున్నారు. ఈ చిత్రాన్ని సెవెన్ స్క్రీన్ స్టూడియో భారీ స్థాయిలో నిర్మించనుంది.
|
|