షూటింగ్ ని ప్రారంభించిన 'డబుల్ ఇస్మార్ట్'
cinema | Suryaa Desk | Published : Wed, Jul 12, 2023, 06:19 PM
టాలీవుడ్ యంగ్ అండ్ ఎనర్జిటిక్ యాక్టర్ రామ్ పోతినేని మరియు డాషింగ్ డైరెక్టర్ పూరి జగన్నాధ్ ఇస్మార్ట్ శంకర్ సినిమాకి సీక్వెల్ ని ప్రకటించిన సంగతి అందరికి తెలిసిందే. ఈ సినిమాకి మూవీ మేకర్స్ 'డబుల్ ఇస్మార్ట్' అనే టైటిల్ ని లాక్ చేసి అధికారికంగా లాంచ్ చేసారు. ఈ క్రేజీ సీక్వెల్ లో ఉస్తాద్ రామ్ పోతినేని మేక్ఓవర్ వీడియో అందరి దృష్టిని ఆకర్షించింది.
ఈ సినిమా రెగ్యులర్ షూటింగ్ ఈరోజు ముంబైలో ప్రారంభమైంది. భారీ సెట్‌లో రామ్ మరియు ఫైటర్స్‌పై భారీ సీక్వెన్స్‌తో మూవీ టీమ్ ప్రొడక్షన్ పనులను ప్రారంభించింది. ఈ హై-వోల్టేజ్ యాక్షన్ ఎంటర్‌టైనర్ కోసం హాలీవుడ్ సినిమాటోగ్రాఫర్ జియాని జియానెల్లి పనిచేస్తున్నారు.
ఈ పాన్ ఇండియా సినిమా మహా శివరాత్రికి తెలుగు, తమిళం, కన్నడ, మలయాళం మరియు హిందీ భాషల్లో మార్చి 8, 2024న విడుదల కానుంది. పూరి జగన్నాధ్ మరియు ఛార్మి కౌర్ కలిసి పూరీ కనెక్ట్స్‌పై, విషు రెడ్డి CEOగా ఈ చిత్రాన్ని నిర్మించనున్నారు.
|
|