'సలార్' మొదటి సింగిల్ అనౌన్స్మెంట్ వచ్చేది అప్పుడేనా?
cinema | Suryaa Desk | Published : Fri, Jul 14, 2023, 05:20 PM
ప్రశాంత్ నీల్ డైరెక్షన్ లో టాలీవుడ్ యంగ్ రెబల్ స్టార్ ప్రభాస్ 'సాలార్' సినిమాలో నటిస్తున్న సంగతి అందరికి తెలిసిందే. యాక్షన్ థ్రిల్లర్ ట్రాక్ లో వస్తున్న ఈ సినిమాలో ప్రభాస్ సరసన శృతి హాసన్ నటిస్తుంది. కొద్దిరోజుల క్రితం విడుదలైన ఈ సినిమా టీజర్‌కు అన్ని పరిశ్రమల నుండి అద్భుతమైన స్పందన లభించింది. అంతేకాకుండా భారతదేశంలో అత్యధికంగా వీక్షించిన టీజర్‌గా సాలార్ టీజర్ నిలిచింది.
లేటెస్ట్ బజ్ ప్రకారం, సాలార్ మొదటి సింగిల్ అతి త్వరలో విడుదల కానుంది అని మరియు దీనికి సంబంధించిన అధికారక ప్రకటన ఈ వారం లేదా వచ్చే వారం వెలువడే అవకాశం ఉంది అని వార్తలు వినిపిస్తున్నాయి.ఈ సినిమాలో గోపీ, జగపతిబాబు, పృథ్వీరాజ్ సుకుమారన్, ఈశ్వరీ రావు, పొగరు ఫేమ్ శ్రీయా రెడ్డి కీలక పాత్రలో కనిపించనున్నారు.
అందరూ ఎంతో ఆశక్తిగా ఎదురుచూస్తున్న సాలార్ చిత్రం సెప్టెంబరు 28, 2023న తెలుగు, తమిళం, కన్నడ, మలయాళం మరియు హిందీ భాషల్లో ప్రేక్షకుల ముందుకు రాబోతుంది.మూవీ మేకర్స్ ఎటువంటి పాటలు లేకుండా ఇంగ్లీష్ వెర్షన్‌ను విడుదల చేయటానికి ప్లాన్ చేస్తున్నట్లు ఫిలిం సర్కిల్ లో వార్తలు వినిపిస్తున్నాయి. ఈ చిత్రాన్ని హోంబలే ఫిల్మ్స్ పతాకంపై విజయ్ కిరగందూర్ నిర్మిస్తున్నారు.
|
|