వెంకీ 'సైంధవ్' లో బేబీ సారా
cinema | Suryaa Desk | Published : Mon, Jul 17, 2023, 05:49 PM
శైలేష్ కొలను దర్శకత్వంలో టాలీవుడ్ హీరో వెంకటేష్ తన 75వ సినిమాని అధికారికంగా ప్రకటించిన సంగతి అందరికి తెలిసిందే. ఈ సినిమాకి 'సైంధవ్' అనే టైటిల్ ని మూవీ మేకర్స్ లాక్ చేసారు. యాక్షన్ ఎంటర్‌టైనర్‌గా తెరకెక్కుతున్నఈ సినిమాలో శ్రద్ధా శ్రీనాథ్ కథానాయికగా నటిస్తుంది. తాజాగా ఈ రోజు ఈ పాన్-ఇండియన్ ప్రాజెక్ట్ లో గాయత్రి పాత్రలో బేబీ సారాను ఎంపిక చేసినట్లు మూవీ టీమ్ ధృవీకరించారు. ఈ విషయాన్ని తెలియజేసేందుకు మూవీ మేకర్స్ వెంకీతో పాటు సారా ఉన్న పోస్టర్ ను సోషల్ మీడియాలో పోస్ట్ చేసారు.
బాలీవుడ్ నటుడు నవాజుద్దీన్ సిద్ధిక్, రుహాని శర్మ ఈ సినిమాలో ముఖ్యమైన పాత్రలు పోషిస్తున్నారు. ఈ సినిమా డిసెంబరు 22, 2023న ప్రేక్షకుల ముందుకు రానుంది. ఈ హై-వోల్టేజ్ యాక్షన్ థ్రిల్లర్ ని నిహారిక ఎంటర్‌టైన్‌మెంట్ బ్యానర్‌పై వెంకట్ బోయనపల్లి నిర్మిస్తున్నారు. ఈ పాన్ ఇండియన్ చిత్రానికి సంతోష్ నారాయణన్ సంగీతం అందిస్తున్నారు.
|
|