రేపు డిజిటల్ ఎంట్రీ ఇవ్వనున్న 'అస్విన్స్'
cinema | Suryaa Desk | Published : Wed, Jul 19, 2023, 07:05 PM
నూతన దర్శకుడు తరుణ్ తేజ రచన మరియు దర్శకత్వంలో నటుడు వసంత్ రవి నటించిన సైకలాజికల్ హారర్ థ్రిల్లర్ 'అస్విన్స్' జూన్ 23, 2023న థియేటర్లలో విడుదలై ప్రేక్షకులను అలరించటంలో విఫలమైంది. ఈ తమిళ-తెలుగు ద్విభాషా చిత్రం అస్విన్స్ యొక్క డిజిటల్ స్ట్రీమింగ్ రైట్స్ ని నెట్ఫ్లిక్ సొంతం చేసుకున్న సంగతి అందరికి తెలిసిందే. తాజాగా ప్రముఖ OTT ప్లాట్‌ఫారమ్ నెట్ఫ్లిక్ తన సోషల్ మీడియా ప్రొఫైల్‌లలో ఈ సినిమా జూలై 20, 2023న తెలుగు, తమిళం, మలయాళం మరియు కన్నడ భాషలలో స్ట్రీమింగ్ కి అందుబాటులోకి రానుంది అని ప్రకటించింది.
సిమ్రాన్ పరీక్, ఉదయ దీప్, సరస్వతి మీనన్, విమలా రామన్ మరియు మురళీధరన్ ఈ థ్రిల్లర్‌లో ముఖ్య పాత్రలు పోషించారు. ప్రముఖ నిర్మాత బివిఎస్ఎన్ ప్రసాద్ తన హోమ్ బ్యానర్ శ్రీ వెంకటేశ్వర సినీ చిత్ర బ్యానర్‌పై ఈ చిత్రాని నిర్మించారు. ఈ చిత్రానికి విజయ్ సిద్ధార్థ్ సంగీతం అందించారు.
|
|