'బ్రో' ట్రైలర్ విడుదలకి తేదీ ఖరారు
cinema | Suryaa Desk | Published : Fri, Jul 21, 2023, 06:21 PM
సముద్రఖని దర్శకత్వంలో పవన్ కళ్యాణ్ మరియు సాయి ధరమ్ తేజ్ ఒక సినిమాని చేస్తున్న సంగతి అందరికి తెలిసిందే. ఈ మూవీకి అధికారికంగా ''BRO అనే పేరు పెట్టారు. ఈ సినిమా తమిళ చిత్రం వినోదయ సితం యొక్క అధికారిక రీమేక్. ఈ ఫాంటసీ కామెడీ డ్రామాలో ప్రియా ప్రకాష్ వారియర్ కథానాయికగా నటిస్తోంది. ఈ బిగ్గీ జూలై 28, 2023న ప్రపంచవ్యాప్తంగా పెద్ద తెరపైకి రానుంది.
లేటెస్ట్ అప్డేట్ ప్రకారం, అందరూ ఎంతో ఆశక్తిగా ఎదురుచూస్తున్న బ్రో థియేట్రికల్ ట్రైలర్ జూలై 22న విడుదల కానున్నట్లు మూవీ మేకర్స్ ప్రకటించారు. ఈ విషయాన్ని పవర్‌స్టార్ మరియు సుప్రీమ్ హీరో ఉన్న స్టైలిష్ పోస్టర్‌ను సోషల్ మీడియాలో విడుదల చేసి అధికారకంగా ప్రకటించారు.
ఈ సినిమాలో కేతిక శర్మ, బ్రహ్మానందం, రోహిణి మొల్లేటి, సుబ్బరాజు, తనికెళ్ల భరణి మరియు రాజా చెంబోలు కూడా సహాయక పాత్రల్లో నటిస్తున్నారు. జీ స్టూడియోస్‌తో కలిసి పీపుల్ మీడియా ఫ్యాక్టరీ ఈ చిత్రాన్ని నిర్మించింది. ఈ చిత్రానికి థమన్ సంగీతం అందించారు.
|
|