సెన్సార్ ఫార్మాలిటీలను క్లియర్ చేసుకున్న 'LGM'
cinema | Suryaa Desk | Published : Wed, Jul 26, 2023, 04:07 PM
భారత క్రికెటర్ ఎంఎస్ ధోని కోలీవుడ్‌లో ధోనీ ఎంటర్‌టైన్‌మెంట్ ఆధ్వర్యంలో తన తొలి నిర్మాణాన్ని ప్రకటించిన సంగతి అందరికి తెలిసిన విషయమే. డైరెక్టర్ రమేష్ తమిళమణి దర్శకత్వం వహిస్తున్న ఈ సినిమాకి 'LGM' అనే టైటిల్ ని మూవీ మేకర్స్ లాక్ చేసారు. ఈ సినిమా జూలై 28, 2023న తమిళం మరియు తెలుగు భాషలలో విడుదలకి సిద్ధంగా ఉంది. తాజాగా ఈ సినిమా సెన్సార్ కార్యక్రమాలను పూర్తి చేసుకుని సెన్సార్ బోర్డ్ నుండి క్లీన్ యు సర్టిఫికేట్ పొందినట్లు మూవీ మేకర్స్ సోషల్ మీడియాలో సరికొత్త పోస్టర్ ని విడుదల చేసి అధికారకంగా ప్రకటించారు.
ఈ సినిమాలో హరీష్ కళ్యాణ్ మరియు ఇవానా ప్రధాన పాత్రలు పోషించారు. ఈ చిత్రంలో నదియా,యోగి బాబు, మిర్చి విజయ్ కీలక పాత్రలో కనిపించనున్నారు. ఈ కామెడీ ఫ్యామిలీ డ్రామాకి దర్శకుడు రమేష్ తమిళమణి స్వయంగా సంగీతం అందిస్తున్నారు. ధోనీ ఎంటర్‌టైన్‌మెంట్ బ్యానర్‌పై సాక్షి ధోని ఈ ఫ్యామిలీ ఎంటర్‌టైనర్‌ను నిర్మిస్తున్నారు.
|
|