'ఖుషి' ట్రైలర్ గురించిన కీలక అప్‌డేట్‌ను వెల్లడించిన విజయ్ దేవరకొండ
cinema | Suryaa Desk | Published : Sat, Aug 05, 2023, 07:37 PM
టాలీవుడ్ యంగ్ అండ్ సేనాషనల్ హీరో విజయ్ దేవరకొండ శివ నిర్వాణ దర్శకత్వంలో ఒక సినిమా ని ప్రకటించిన సంగతి అందరికి తెలిసిందే. ఈ రొమాంటిక్ లవ్ స్టోరీకి మూవీ మేకర్స్ 'ఖుషి' అనే టైటిల్ ని లాక్ చేసారు. తాజాగా ఇప్పుడు, స్టార్ హీరో విజయ్ దేవరకొండ ఈ సినిమా యొక్క ట్రైలర్ 2 నిమిషాల 41 సెకన్ల రన్ టైమ్ ని కలిగి ఉన్నట్లు సోషల్ మీడియా ద్వారా ప్రకటించారు. సెప్టెంబర్ 1, 2023న తెలుగు, తమిళం, మలయాళం మరియు కన్నడ భాషల్లో ఈ సినిమా విడుదలకి సిద్ధంగా ఉంది.
ఈ సినిమాలో విజయ్ దేవరకొండ సరసన గ్లామర్ బ్యూటీ సమంత రూత్ ప్రభు జంటగా కనిపించనుంది. ఫ్యామిలీ ఎంటర్‌టైనర్‌ ట్రాక్ లో రానున్న ఈ సినిమాలో సచిన్ ఖేడాకర్, మురళీ శర్మ, లక్ష్మి, అలీ, రోహిణి, వెన్నెల కిషోర్, రాహుల్ రామకృష్ణ, శ్రీకాంత్ అయ్యంగార్, శరణ్య తదితరులు కీలక పాత్రలు పోషిస్తున్నారు. హృదయం ఫేమ్ హేషమ్ అబ్దుల్ వహాబ్ ఈ చిత్రానికి సంగీతం అందిస్తున్నారు. మైత్రీ మూవీ మేకర్స్ ఈ సినిమాని నిర్మిస్తుంది.
|
|