‘కే.జి.ఎఫ్’ కు ఫిదా అయిన కేటీఆర్
cinema | Suryaa Desk | Published : Mon, Feb 25, 2019, 07:29 PM
టీఆర్ఎస్ వర్కింగ్ ప్రెసిడెంట్ కేటీఆర్ సినిమా ప్రియుడనే సంగతి తెలిసిందే. ఆయన ఖాళీ సమయాల్లో సినిమాలు చూస్తూ, వాటి గురించి ట్విటర్ ద్వారా స్పందిస్తుంటారు. ఇటీవల ఎన్నికలతో బిజీ అయిపోయి సినిమాలు చూడలేకపోయిన కేటీఆర్ తాజాగా ఓ సినిమా గురించి ట్వీట్ చేశారు.
బాహుబలి` తర్వాత ఆ రేంజ్ భారీ బడ్జెట్తో నిర్మితమై ఘన విజయం సాధించిన చిత్రం `కేజీఎఫ్`. కన్నడ రాక్స్టార్ యష్ నటించిన ఈ సినిమా దక్షిణాది భాషలన్నింటిలోనూ విడుదలై విజయం సాధించింది. ఇటీవల ఆ సినిమా చూసిన కేటీఆర్ ట్విటర్ ద్వారా చిత్రబృందాన్ని ప్రశంసించారు. `కొద్దిగా ఆలస్యంగానే అయినా ఎట్టకేలకు `కేజీఎఫ్` చూశాను. సినిమా అద్భుతంగా ఉంది. సాంకేతికంగా, కథాపరంగా చాలా బాగుంది. పట్టుసడలని కథనంతో డైరెక్టర్ ప్రశాంత్ నీల్ సినిమాను అద్భుతంగా రూపొందించారు. నేపధ్య సంగీతం చాలా బాగుంది. తెరపై రాక్స్టార్ యష్ నటన అదిరిపోయింది’ అని కేటీఆర్ ట్వీట్ చేశారు.
|
|