2 కోట్ల వ్యూస్.. ఆనందంలో అనుష్క
cinema | Suryaa Desk | Published : Mon, Feb 25, 2019, 09:12 PM
అగ్ర కథానాయిక అనుష్క టైటిల్ రోల్లో నటించిన 'రుద్రమదేవి' సినిమా హిందీ వెర్షన్కు విశేషమైన స్పందన లభిస్తోంది. గుణశేఖర్ దర్శకత్వం వహించిన ఈ సినిమా 2015లో ప్రేక్షకుల ముందుకు వచ్చిన సంగతి తెలిసిందే. కాకతీయ సామ్రాజ్యం, రుద్రమదేవి శౌర్యపరాక్రమాలను ఇందులో చక్కగా చూపించారు. కాగా నెల రోజుల క్రితం ఈ సినిమా హిందీ డబ్బింగ్ (2డీ) వెర్షన్ను యూట్యూబ్లో విడుదల చేశారు. దీన్ని ఇప్పటి వరకు 2 కోట్ల మందికిపైగా వీక్షించారు. దీంతో అనుష్క ఆనందం వ్యక్తం చేశారు. 'మీరు చూపిస్తున్న ప్రేమ, ఆదరణకు ధన్యవాదాలు' అని అనుష్క ఇన్స్టాగ్రామ్ స్టోరీస్లో పోస్ట్ చేశారు.
ఈ సినిమాలో అల్లు అర్జున్, రానా ప్రధాన పాత్రలు పోషించారు. కృష్ణంరాజు, ప్రభ, ప్రకాశ్రాజ్, నిత్యా మేనన్, కేథరిన్ తదితరులు కీలక పాత్రల్లో నటించారు. గుణ టీమ్ వర్క్స్ సంస్థ సినిమాను నిర్మించింది. ఇళయరాజా బాణీలు సమకూర్చారు. 'బాహుబలి'తో అనుష్క, రానాకు బాలీవుడ్లోనూ అభిమానులు ఏర్పడ్డారు. అల్లు అర్జున్ 'సరైనోడు', 'డీజే: దువ్వాడ జగన్నాథం' తదితర సినిమాల హిందీ వెర్షన్కు యూట్యూబ్లో అత్యధిక వ్యూస్ లభించాయి. ఈ నేపథ్యంలో అనుష్క, రానా, బన్నీ కలిసి నటించిన 'రుద్రమదేవి'కి హిందీలో మరింత క్రేజ్ ఏర్పడినట్లు విశ్లేషకులు అభిప్రాయపడుతున్నారు.
|
|