జూనియర్ ఎన్టీఆర్ 'దేవర' పై తాజా అప్‌డేట్
cinema | Suryaa Desk | Published : Sat, Aug 12, 2023, 07:16 PM
కొరటాల శివ డైరెక్షన్ లో టాలీవుడ్ యంగ్ టైగర్ జూనియర్ ఎన్టీఆర్ ఒక చిత్రాన్ని ప్రకటించిన విషయం అందరికి తెలిసిందే. ఈ పాన్-ఇండియన్ చిత్రానికి 'దేవర' అనే టైటిల్ ని మూవీ మేకర్స్ లాక్ చేసారు. ప్రస్తుతం ఎన్టీఆర్, సైఫ్ అలీఖాన్‌లపై కీలక సన్నివేశాలను మూవీ మేకర్స్ చిత్రీకరిస్తున్నారు.
తాజాగా ఇప్పుడు, మూవీ మేకర్స్ ఈ చిత్రానికి సంబంధించిన మ్యూజికల్ పనుల్లో బిజీగా ఉన్నారు. ప్రముఖ గీత రచయిత రామజోగయ్య శాస్త్రి ఇప్పుడు ఈ చిత్రానికి సంబంధించిన మ్యూజికల్ పని ప్రారంభించినట్లు ప్రకటించారు. గీత రచయిత గతంలో ఎన్నో అద్భుతమైన పాటలకు పనిచేశారు.
ఈ సినిమాలో జూనియర్ ఎన్టీఆర్ సరసన బాలీవుడ్ బ్యూటీ జాన్వీ కపూర్ జోడిగా నటిస్తుంది. ఈ చిత్రం ఏప్రిల్ 5, 2024న విడుదల కానుంది. సౌత్ ఇండియన్ మ్యూజిక్ సెన్సేషన్ అనిరుధ్ రవిచందర్ ఈ సినిమాకి మ్యూజిక్ కంపోజ్ చేస్తున్నట్లు సమాచారం. కళ్యాణ్ రామ్, ఎన్టీఆర్ ఆర్ట్స్ బ్యానర్‌తో కలిసి యువసుధ ఆర్ట్స్ బ్యానర్ ఎ ఈ సినిమాని నిర్మిస్తున్నారు.
|
|