'సాలార్' కొత్త రిలీజ్ డేట్ లాక్?
cinema | Suryaa Desk | Published : Wed, Sep 06, 2023, 08:36 PM
ప్రశాంత్ నీల్ డైరెక్షన్ లో టాలీవుడ్ యంగ్ రెబల్ స్టార్ ప్రభాస్ 'సాలార్' సినిమాలో నటిస్తున్న సంగతి అందరికి తెలిసిందే. అందరూ ఎంతో ఆశక్తిగా ఎదురుచూస్తున్న సాలార్ చిత్రం సెప్టెంబరు 28, 2023న విడుదల కావడం లేదు. ఈ వార్త అభిమానులను నిరుత్సాహానికి గురిచేసింది. లేటెస్ట్ అప్డేట్ ప్రకారం, ఈ చిత్రం నవంబర్ 24, 2023న పెద్ద స్క్రీన్‌లలోకి వచ్చేలా రీషెడ్యూల్ చేసినట్లు ఫిలిం సర్కిల్ లో వార్తలు వినిపిస్తున్నాయి. ఈ రీషెడ్యూల్‌కి సంబంధించిన వార్తను మూవీ మేకర్స్ త్వరలో అధికారికంగా ప్రకటించనున్నారు.
యాక్షన్ థ్రిల్లర్ ట్రాక్ లో వస్తున్న ఈ సినిమాలో ప్రభాస్ సరసన శృతి హాసన్ నటిస్తుంది. ఈ సినిమాలో గోపీ, జగపతిబాబు, పృథ్వీరాజ్ సుకుమారన్, ఈశ్వరీ రావు, పొగరు ఫేమ్ శ్రీయా రెడ్డి, బ్రహ్మాజీ కీలక పాత్రలో కనిపించనున్నారు. ఈ చిత్రాన్ని హోంబలే ఫిల్మ్స్ పతాకంపై విజయ్ కిరగందూర్ నిర్మిస్తున్నారు.
|
|