'దేవర' షూటింగ్ గురించిన లేటెస్ట్ అప్డేట్
cinema | Suryaa Desk | Published : Tue, Sep 12, 2023, 07:10 PM
కొరటాల శివ డైరెక్షన్ లో టాలీవుడ్ యంగ్ టైగర్ జూనియర్ ఎన్టీఆర్ ఒక చిత్రాన్ని ప్రకటించిన విషయం అందరికి తెలిసిందే. ఈ పాన్-ఇండియన్ చిత్రానికి 'దేవర' అనే టైటిల్ ని మూవీ మేకర్స్ లాక్ చేసారు. తాజా సమాచారం ప్రకారం, ఈ సినిమా షూటింగ్ నగర శివార్లలో ప్రత్యేకంగా వేసిన సెట్‌లో జరుగుతోందని ఈ సినిమాలో ఎన్టీఆర్ కొన్ని సోలో సన్నివేశాలను చిత్రీకరిస్తున్నారని సమాచారం. ఇది పూర్తి కాగానే ఎన్టీఆర్ రానున్న రోజుల్లో ఇతర కీలక నటీనటులతో షూటింగ్ చేయనున్నారు. సముద్ర నేపథ్యంలో సాగే ఈ సినిమా షూటింగ్ సెట్స్ లో జాన్వీ కపూర్ ఇంకా జాయిన్ కాలేదు. క్లైమాక్స్‌కి సంబంధించిన కొంత భాగం ఇప్పటికే పూర్తయింది.
ఈ సినిమాలో జూనియర్ ఎన్టీఆర్ సరసన బాలీవుడ్ బ్యూటీ జాన్వీ కపూర్ జోడిగా నటిస్తుంది. ఈ చిత్రం ఏప్రిల్ 5, 2024న విడుదల కానుంది. సౌత్ ఇండియన్ మ్యూజిక్ సెన్సేషన్ అనిరుధ్ రవిచందర్ ఈ సినిమాకి మ్యూజిక్ కంపోజ్ చేస్తున్నట్లు సమాచారం. కళ్యాణ్ రామ్, ఎన్టీఆర్ ఆర్ట్స్ బ్యానర్‌తో కలిసి యువసుధ ఆర్ట్స్ బ్యానర్ ఎ ఈ సినిమాని నిర్మిస్తున్నారు.
|
|