అన్ని తానై 'ది వేకెంట్ హౌస్' చిత్రాన్ని పూర్తిచేసిన ఎస్తర్
cinema | Suryaa Desk | Published : Sat, Sep 16, 2023, 04:56 PM
కన్నడ నటి ఐనప్పటికీ తెలుగు ప్రజలకి బాగా పరిచయమైనా ఎస్తర్ నటనతో పాటు, దర్శకత్వంలో కూడా తన ప్రతిభ పాటవాలను చూపిస్తూ 'ది వేకెంట్ హౌస్' అనే సినిమాకి దర్శకత్వం వహించింది. ఈ సినిమా ఇప్పుడు విడుదలకి సిద్ధం అవుతోంది. ఈ సినిమాని ముందుగా కన్నడ, కొంకిణి భాషల్లో విడుదల చెయ్యాలనుకున్నా, ఈ సినిమా కథాంశం అందరికీ నచ్చుతుందని, మిగతా భాషల్లో అంటే తెలుగు, తమిళ, మలయాళం, హిందీ భాషల్లో విడుదల చెయ్యడానికి సంకల్పించింది ఎస్తర్. ఈ సినిమాలో నటించటంతో పాటు దర్శకత్వం కూడా చేసిన ఎస్తర్, తన మల్టీ ట్యాలెంటె చూపించింది, ఈ సినిమాకి సంగీతం, నేపధ్యగాయనిగా కూడా పని చెయ్యడమే కాకుండా, రచన కూడా ఎస్తర్ చేసింది. ఈ సినిమాకి నిర్మాత ఎస్తర్ తల్లి జానెట్ నోరోన్హా. ఈ సినిమా ఒక సస్పెన్స్ థ్రిల్లర్ కథాంశంతో రూపొందించింది. ఈ కథా నేపధ్యం అంతా ఒక గెస్ట్ హౌస్ చుట్టూ తిరుగుతూ ఉంటుందని తెలిసింది. ఈ సినిమా తన కలల ప్రాజెక్ట్ అని అందుకే ఈ సినిమాకి కథ, స్క్రీన్‌ప్లే, డైలాగ్‌లు, సాహిత్యం, పాటలు, నేపథ్య సంగీతంతో పాటు దర్శకత్వం కూడా చేసాను అని చెప్పింది.
|
|
